નાસિક: ભાવમાં ભારે ઘટાડા વચ્ચે, મહારાષ્ટ્ર રાજ્ય ડુંગળી ઉત્પાદક સંગઠને મુખ્ય પ્રધાન દેવેન્દ્ર ફડણવીસને વિનંતી કરી છે કે તેઓ એશિયામાં ડુંગળીના પાક માટે સૌથી મોટા બજાર લાસલગાંવ કૃષિ ઉત્પાદન બજાર સમિતિ (એપીએમસી) ખાતે તાત્કાલિક અને લાંબા ગાળાના ઉકેલો શોધવા માટે વિશેષ બેઠક બોલાવે.
એસોસિએશનના એક પ્રતિનિધિમંડળે તાજેતરમાં લાસલગાંવ એપીએમસીના ચેરમેન અને સચિવને લેખિત વિનંતી સુપરત કરી હતી, જેમાં તેમને આવી બેઠક માટે મુખ્ય પ્રધાનને ઔપચારિક આમંત્રણ આપવાની વિનંતી કરવામાં આવી હતી.
એસોસિએશને માગણીનો પુનરોચ્ચાર કરતા ફડણવીસને એક સત્તાવાર ઇ-મેઇલ પણ મોકલ્યો હતો.
મહારાષ્ટ્ર રાજ્ય ડુંગળી ઉત્પાદક સંગઠનના સ્થાપક-પ્રમુખ ભરત દિઘોલે અને નાસિક જિલ્લા પ્રમુખ જયદીપ ભદાણે દ્વારા લખાયેલા આ પત્રમાં ભાવ ઘટવાને કારણે ખેડૂતોને પડી રહેલી ગંભીર નાણાકીય તકલીફો પર પ્રકાશ પાડવામાં આવ્યો છે.
એસોસિએશનના જણાવ્યા અનુસાર, મહારાષ્ટ્રમાં ડુંગળીના ખેડૂતોને હાલમાં પ્રતિ ક્વિન્ટલ માત્ર 800થી 1200 રૂપિયા મળી રહ્યા છે, જ્યારે સરેરાશ ઉત્પાદન ખર્ચ ઓછામાં ઓછો 2,500 રૂપિયા પ્રતિ ક્વિન્ટલ છે.
આ વિસંગતી ખેડૂતોને રોજિંદું નુકસાન પહોંચાડી રહી છે, એમ તેમણે ઉમેર્યું હતું. પરિસ્થિતિની તાકીદને ધ્યાનમાં રાખીને અમે તમને (મુખ્ય પ્રધાનને) વિનંતી કરીએ છીએ કે કેન્દ્ર અને રાજ્ય સરકારો બંને સાથે તાત્કાલિક અને લાંબા ગાળાના પગલાં અંગે ચર્ચા કરવા માટે લાસલગાંવ એપીએમસી ખાતે વ્યક્તિગત રીતે એક ખાસ બેઠક યોજો, એમ તેમણે પત્રમાં કહ્યું હતું
એસોસિએશને વિશ્વાસ વ્યક્ત કર્યો હતો કે, મુખ્ય પ્રધાન ફડણવીસ ડુંગળીના ખેડૂતોના હિતોનું રક્ષણ કરવા અને કટોકટીનો વહેલી તકે ઉકેલ લાવવા માટે સક્રિય પગલાં લેશે. મહારાષ્ટ્ર દેશનું સૌથી મોટું ડુંગળી ઉત્પાદક રાજ્ય છે અને લાખો ખેડૂતો પાકનું ઉત્પાદન કરે છે. જો તેઓ વહેલી તકે અમારી ફરિયાદોનો ઉકેલ લાવવા માટે લાસલગાંવ આવે તો અમે તેમનું સ્વાગત કરીશું, એમ તેમણે જણાવ્યું હતું.
ઓછા ભાવ અને સંગ્રહ સુવિધાઓની અછતને કારણે ખેડૂતોની સ્થિતિ સારી નથી, જે લણણી કરાયેલા પાકને નુકસાન પહોંચાડી રહી છે, એમ તેમણે જણાવ્યું હતું.
આ પણ વાંચો…ચોમાસામાં કાંદાના ભજિયાના શોખિનો માટે આવ્યા છે સારા સમાચારઃ કાંદાના ભાવ હજુ ગગડશે…
