મહારાષ્ટ્ર સરકાર ખાનગી કોચિંગ ક્લાસને નિયંત્રિત કરવા માટે એક નવો કાયદો લાવશે

મુંબઈ: મહારાષ્ટ્ર સરકાર શિક્ષકોની શૈક્ષણિક લાયકાત, સલામતી/માળખાકીય ધોરણો અને ભ્રામક જાહેરાતો સહિત અન્ય બાબતોના સંદર્ભમાં ખાનગી કોચિંગ ક્લાસને નિયંત્રિત કરવા માટે એક નવો કાયદો બનાવવાની યોજના બનાવી રહી છે.
શાળા શિક્ષણ વિભાગ કર્ણાટક, ગોવા, ઉત્તર પ્રદેશ અને રાજસ્થાન સહિત કેટલાક અન્ય રાજ્યો દ્વારા ઘડવામાં આવેલા કાયદાઓનો અભ્યાસ કરી રહ્યું છે. રાજ્ય વિધાનસભાના આગામી ચોમાસા સત્રમાં કોચિંગ ક્લાસને નિયંત્રિત કરવા માટે બિલ લાવવાની અપેક્ષા છે. વિભાગે તેના ૧૦૦-દિવસના કાર્યક્રમમાં બિલના અમલનો સમાવેશ કર્યો છે.

એક અધિકારીએ જણાવ્યું હતું કે,આ કાયદાથી રાજ્યમાં કોચિંગ ક્લાસની નોંધણી ફરજિયાત થવાની અપેક્ષા છે. આ ઉપરાંત, તેમાં માળખાગત સુવિધાઓ સંબંધિત સ્પષ્ટ નિયમો હશે, જેમાં વર્ગખંડોમાં વિદ્યાર્થીની સંખ્યાનો સમાવેશ થાય છે . જોકે કેન્દ્રીય માર્ગદર્શિકામાં પ્રતિ વિદ્યાર્થી એક ચોરસ મીટર ફરજિયાત છે, તે મુંબઈ અને પુણે જેવા શહેરોમાં શક્ય ન પણ હોય, અને મહારાષ્ટ્ર બિલમાં આમાં થોડો ફેરફાર કરવો પડી શકે છે. કોચિંગ ક્લાસને સલામતીના ધોરણોનું પાલન કરવું પડશે અને સમયાંતરે અધિકારીઓ દ્વારા સલામતી પદ્ધતિઓ પ્રમાણિત કરાવવી પડશે. કાયદામાં આ સંબંધિત સ્પષ્ટ આદેશ હશે.

આ પણ વાંચો: મહારાષ્ટ્રમાં લવ જેહાદ, બળજબરી ધર્માંતરણ પર બનશે કડક કાયદો; સરકારે કરી સમિતિની રચના…

અન્ય એક અધિકારીએ જણાવ્યું હતું કે, શાળા શિક્ષણ વિભાગ વર્ગો દ્વારા વસૂલવામાં આવતી ફીનું નિયમન કરવું કે નહીં તે અંગે કોઈ નિષ્કર્ષ પર પહોંચ્યું નથી. કોચિંગ ક્લાસ દ્વારા આપવામાં આવતું શિક્ષણ સરકારની મૂળભૂત ફરજનો ભાગ નથી અને તેને મર્યાદિત કરી શકાતું નથી, કારણ કે તે વિદ્યાર્થીઓ અને વર્ગો વચ્ચેનો પરસ્પર કરાર છે. આ જવાબદારી લેવાને બદલે, વિભાગ માને છે કે તે નિર્ણય લેવાનું તેમના પર છોડી દેવું જોઈએ.

અધિકારીએ વધુમાં જણાવ્યું હતું કે આ કાયદાનો મુખ્ય ભાર કોચિંગ ક્લાસ દ્વારા જારી કરવામાં આવતી જાહેરાતો પર રહેશે. “આ કાયદો આ ક્ષેત્રમાં થતી ગેરરીતિઓને રોકશે, કારણ કે ઘણા વર્ગો તેમના વિદ્યાર્થીઓને શાળાઓ અને સ્પર્ધાત્મક પરીક્ષાઓમાં મળેલા માર્ક્સ સંબંધિત મોટા દાવાઓ કરે છે. કાયદાનો મુખ્ય ઉદ્દેશ્ય તેમને આ ભ્રામક માહિતી પ્રસારિત કરવાથી રોકવાનો રહેશે.”

આ પણ વાંચો: ‘દર 2 કલાકે કાયદો અને વ્યવસ્થાનો અહેવાલ મોકલો’, વિરોધ પ્રદર્શન વચ્ચે કેન્દ્રનો રાજ્યોને નિર્દેશ

વિભાગે ‘કોચિંગ ક્લાસ’ ની વ્યાખ્યામાં કયા ક્ષેત્રોને લાવવા જોઈએ તેના પર પણ ચર્ચા કરી છે. સંગીત અને નૃત્યની તાલીમ આપતા વર્ગો અથવા ક્રિકેટ જેવી રમતો શીખવતા વર્ગોને કોચિંગ ક્લાસ ગણી શકાય નહીં. તેઓ નિયમનનો ભાગ રહેશે નહીં,અધિકારીએ જણાવ્યું હતું.

શાળા શિક્ષણના મુખ્ય સચિવ રણજીત સિંહ દેઓલે જણાવ્યું હતું કે, “અમે અન્ય રાજ્યોના કાયદાઓનો અભ્યાસ કરી રહ્યા છીએ અને કાયદાને વ્યાપક બનાવવા માટે વધુ શું કરી શકાય તે જોવા માટે તેમની સમીક્ષા કરી રહ્યા છીએ. ચોમાસા સત્રમાં તે રજૂ કરવામાં આવશે કે નહીં તે કહેવું મુશ્કેલ છે.”