‘રાજકારણમાં કોઈ રાખમાં ફેરવાતું નથી’: દેવેન્દ્ર ફડણવીસને ફિનિક્સ એવોર્ડ મળ્યા બાદ સુપ્રિયા સુળેનું નિવેદન

(અમારા પ્રતિનિધિ તરફથી)

મુંબઈ: રાજ્યના મુખ્ય પ્રધાન દેવેન્દ્ર ફડણવીસને મરાઠી પત્રકાર સંઘ દ્વારા ‘ફિનિક્સ સ્પેશિયલ એવોર્ડ’ આપવામાં આવ્યો. આ કાર્યક્રમમાં બોલતા ફડણવીસે કહ્યું હતું કે, ‘ઘણા લોકોને લાગ્યું કે હું રાખ થઈ રહ્યો છું, પણ પછી હું ફરી ઉડી ગયો.’ તેમના આ નિવેદન પર સભામાં હાસ્યનો માહોલ છવાઈ ગયો. આ વખતે, તેમણે તેમની રાજકીય કારકિર્દી અને રાજકારણમાં તેમણે સામનો કરેલી મુશ્કેલીઓ પર ટિપ્પણી કરી હતી. આ બધા પર એનસીપીના સાંસદ સુપ્રિયા સુળેએ કહ્યું છે કે રાજકારણમાં કોઈ રાખમાં ફેરવાતું નથી.

દેવેન્દ્ર ફડણવીસે કહ્યું હતું કે, મારા સમગ્ર રાજકીય જીવનમાં, ફક્ત બે જ બાબતો મને આટલી આગળ લઈ આવી છે. પહેલી વાત ધીરજ અને બીજી સકારાત્મકતા. હું તમને એક રહસ્ય કહીશ, જો તમને ક્યારેક એવું લાગે કે હું ગુસ્સે થાઉં છું, તો એનો અર્થ એ થાય છે કે હું ભૂખ્યો છું. મને ભૂખ લાગે ત્યારે જ ગુસ્સો આવે છે. જ્યારે મને કંઈક ખાવા માટે આપવામાં આવે છે ત્યારે હું શાંત થઈ જાઉં છું. નહિંતર, હું વધુ ગુસ્સે થતો નથી.

આ પણ વાંચો: ‘…એ વડાપ્રધાન મોદીની મહાનતા હતી’ સુપ્રિયા સુળેએ સંસદમાં વડાપ્રધાનના ભરપૂર વખાણ કર્યા

ઘણાને લાગ્યું કે હું રાખ બની રહ્યો છું, પણ હું ઊભો થયો

હું દરેક વ્યક્તિને મળું છું તેમાં કંઈક સારું જોવાનો પ્રયાસ કરું છું અને જે પણ કામ મને મળે છે તેને સકારાત્મક વલણ સાથે કરવાનો પ્રયાસ કરું છું. તમે આ એવોર્ડનું નામ ‘ફિનિક્સ’ રાખ્યું છે, પરંતુ હું રાખમાંથી ઉભો થયો નથી. ઘણી વાર લોકોને એવું લાગ્યું હતું કે હું રાખ બની રહ્યો છું, પણ હું ઊભો થઈ ગયો. હું આ ઉડાન કેમ લઈ શક્યો? જ્યારે પણ રાખનો સમય આવ્યો, ત્યારે મેં તેનો સકારાત્મક રીતે સામનો કર્યો હતો. હું ક્યારેય પડકારોથી ભાગ્યો નહીં. મેં પડકારોનો સામનો કર્યો અને પરિસ્થિતિઓનો સામનો કર્યો હતો. હું લોકો સામે લડ્યો નહીં, મેં તેમને નફરત કરી નહીં અને મેં હલકું રાજકારણ કર્યું નહીં. તેથી જ હું આ મુશ્કેલ પરિસ્થિતિમાં પગલે પગલે આગળ વધતો રહ્યો, એમ મુખ્ય પ્રધાન દેવેન્દ્ર ફડણવીસે કહ્યું હતું.

આ પણ વાંચો: બંધારણની પ્રસ્તાવનામાં સુધારાના આરએસએસના આહ્વાનને સુપ્રિયા સુળેએ ફગાવી દીધું…

રાજકારણમાં કોઈ ક્યારેય રાખ બની જતું નથી – સુપ્રિયા સુળે

મેં ક્યારેય એવો વિચાર કર્યો નહોતો કે તેઓ રાખ બની જશે. રાજકારણમાં, કોઈ ક્યારેય રાખ બની જતું નથી અને કોઈનો ક્યારેય અંત આવતો નથી. કોઈના મનમાં પણ એવું નહોતું કે દેવેન્દ્ર ફડણવીસ સાથે આવું કશું થશે. દરેક વ્યક્તિ પોતાની મહેનત અને વિચારસરણીથી પ્રયાસ કરી રહ્યો છે. ‘જો કોઈ વ્યક્તિ કોઈને ખતમ કરવાની વાત કરી રહ્યું હોય, તો તે યોગ્ય નથી. દેવેન્દ્ર ફડણવીસ વિશે આવું ક્યારેય કોઈના મનમાં આવ્યું નથી. ઓછામાં ઓછું મને તો એવું ક્યારેય લાગ્યું નથી,’ એમ સુપ્રિયા સુળેએ કહ્યું હતું.