થાણે જિલ્લાની સહકારી હાઉસિંગ સોસાયટીઓના પ્રશ્નો ઉકેલવા માટે જલ્દી મળીએ: દેવેન્દ્ર ફડણવીસનું આશ્વાસન
થાણે: ધ થાણે ડિસ્ટ્રિક્ટ કો-ઓપરેટિવ હાઉસિંગ ફેડરેશન લિ. અને સહકાર વિભાગ દ્વારા શનિવારે થાણે જિલ્લાની સહકારી હાઉસિંગ સોસાયટીઓનું પ્રથમ અધિવેશન યોજાયું હતું. જેમાં, મુખ્ય પ્રધાન દેવેન્દ્ર ફડણવીસે ફોન પર હાજરી આપીને થાણેમાં સહકારી હાઉસિંગ સોસાયટીઓ અંગે જે કોઈપણ અવરોધો અને કોઈપણ નિર્ણયો લેવાના છે તેના ઉકેલ માટે બેઠક બોલાવવાની ખાતરી આપી હતી.
વિધાનપરિષદમાં ભાજપના જૂથના નેતા અને મુંબઈ ડિસ્ટ્રિક્ટ બેંકના પ્રમુખ પ્રવીણ દરેકરે અપીલ કરી હતી કે મુંબઈમાં જે રીતે સેલ્ફ-રિડેવલપમેન્ટ થઈ રહ્યું છે તે જ પ્રકારનું હાઉસિંગ સોસાયટીઓનું સેલ્ફ-રિડેવલપમેન્ટની ઝુંબેશ થાણે જિલ્લામાં શરૂ કરવી જોઈએ. ભૂતપૂર્વ વડાપ્રધાન મનમોહન સિંહના દુ:ખદ અવસાનને કારણે દેશભરમાં સાત દિવસનો રાષ્ટ્રીય શોક મનાવવામાં આવી રહ્યો છે. તેથી મુખ્ય પ્રધાન દેવેન્દ્ર ફડણવીસ ઈચ્છા હોવા છતાં લોકોની સામે આવ્યા નહોતા.
આ પણ વાંચો: મુખ્ય પ્રધાન દેવેન્દ્ર ફડણવીસ ઍક્શન મોડમાં, આગામી 100 દિવસના આયોજનની સમીક્ષા, નક્કર કામગીરી માટે સૂચનો
આ પ્રસંગે બોલતાં દરેકરે કહ્યું હતું કે ફડણવીસ વતી હું ખાતરી આપું છું કે આગામી 10-15 દિવસમાં અમે મંત્રાલયમાં આવાસના મુદ્દાને લઈને મુખ્ય પ્રધાનની અધ્યક્ષતામાં એક બેઠક યોજીશું અને સરકારને લગતા પ્રશ્નોનું નિરાકરણ લાવીશું.
દરેકરે જણાવ્યું હતું કે આ પહેલાં ગોરેગાંવમાં થયેલી બેઠકમાં હાઉસિંગ ક્ષેત્રની વિવિધ પ્રકારની 18 માગણીઓ મુખ્ય પ્રધાનને આપવામાં આવી હતી અને દેવેન્દ્ર ફડણવીસે 16 માંગણીઓનો સરકારી આદેશ (જીઆર) બહાર પાડવાનું કામ કર્યું હતું અને હાઉસિંગ સેક્ટર માટે સારા ક્રાંતિકારી નિર્ણયો લીધા હતા. આથી આવી પરિષદોની જરૂર છે. તેઓ આ ઠરાવ લઈને સરકાર પાસે જાય છે અને તેમાંથી રસ્તો કાઢવાનો પ્રયાસ કરે છે.
ઉપરાંત હાઉસિંગ સેક્ટરમાં પણ ઘણા વિષયો છે. આ બધા પ્રશ્નોની યાદી બનાવો. દરેકરે એવો પણ વિશ્વાસ વ્યક્ત કર્યો હતો કે અમે તે તમામ મુદ્દાઓને સરકાર દ્વારા કાયદાના માળખામાં ઉકેલવાનો પ્રયાસ કરીશું. દરેકરે વધુમાં જણાવ્યું હતું કે મુંબઈમાં સ્વ-વિકાસનો ખ્યાલ સફળ રહ્યો હતો. મુંબઈ ડિસ્ટ્રિક્ટ બેંકને હાઉસિંગ સોસાયટીઓ તરફથી લોન માટે સોળસો દરખાસ્તો મળી છે. અમે 36 સંસ્થાઓને લોન આપી. મુંબઈમાં 12 હાઉસિંગ સોસાયટીઓએ પોતપોતાની ઇમારતો બનાવી છે. દરેકરે એમ પણ કહ્યું હતું કે મધ્યમવર્ગીય મરાઠી માણસ સ્વ-પુન:વિકાસ દ્વારા 800-850 ચોરસ ફૂટના મકાનમાં રહેવા ગયો હતો, જ્યાં વિકાસકર્તા 400થી 450 ચોરસ ફૂટ જગ્યા આપવાનો પ્રયાસ કરી રહ્યો હતો.
