મહારાષ્ટ્ર

બાળાસાહેબે ઉદ્ધવને મુખ્યમંત્રી ન બનાવ્યા હોત: મુખ્ય પ્રધાન એકનાથ શિંદે

(અમારા પ્રતિનિધિ તરફથી)
મુંબઈ: એકનાથ શિંદેએ એક મરાઠી અખબારને આપેલા ઈન્ટરવ્યૂમાં એવો દાવો કર્યો હતો કે ઉદ્ધવ ઠાકરેને મુખ્ય પ્રધાન બનવાની સુસુપ્ત ઈચ્છા લાંબા સમયથી હતી. આ જ લાલસાને કારણે તેઓ આજે દેશદ્રોહીઓની ભાષા બોલે છે. બાળાસાહેબના વિચારો સાથે કોણે દગો કર્યો તે આખા મહારાષ્ટ્રે જોયું જ છે. તે જ સમયે તેઓ મહારાષ્ટ્રના લોકો સાથે, બાળાસાહેબના વિચારો સાથે અને ભાજપ સાથે ગદ્દારી કરી હતી. ઉદ્ધવ ઠાકરે જાણતા હતા કે જો તેઓ ભાજપ સાથે રહેશે તો તેઓ ક્યારેય મુખ્યપ્રધાન નહીં બની શકે. તેઓ કોઈપણ ભોગે મુખ્યપ્રધાન બનવા માંગતા હતા. તેથી, તેમણે પોતે જ શરદ પવારને આવો સંદેશો ચોક્કસ લોકો સાથે મોકલ્યો હતો. આજે તેઓ એવો દાવો કરે છે કે હું મુખ્યપ્રધાન બનવા માગતો નહોતો. આ હળાહળ જુઠું છે. મુખ્યપ્રધાન બનવાની તેમની સુષુપ્ત ઈચ્છા હતી. આ પણ બાળાસાહેબના વિચારો સાથે અસંગત હતું. શિવસેના પ્રમુખને ક્યારેય સત્તાની લાલસા નહોતી. તેમનું માનવું હતું કે એક સામાન્ય શિવસૈનિકે મુખ્યપ્રધાન બનવું જોઈએ. મુખ્ય પ્રધાન શિંદેએ દાવો કર્યો હતો કે શિવસેના વડાએ ક્યારેય ઉદ્ધવ ઠાકરેને મુખ્ય પ્રધાન બનાવ્યા ન હોત. ઓછામાં ઓછા પાંચ વખત મેં તેમને ભાજપ સાથે ગઠબંધન કરવા કહ્યું હતું. તેઓએ તે સ્વીકાર્યું નહીં. કારણ કે તેમની નજર મુખ્ય પ્રધાનપદ પર હતી.

વડા પ્રધાન નરેન્દ્ર મોદીએ ઉદ્ધવ ઠાકરે અને શરદ પવારને શિંદે અને અજિત પવાર સાથે આવવા અપીલ કરી હતી. આ સંદર્ભે પૂછવામાં આવેલા પ્રશ્ર્ન પર મુખ્ય પ્રધાને આની પૃષ્ઠભૂમિ સમજાવવાનો પ્રયાસ કર્યો હતો. શરદ પવારે થોડા દિવસો પહેલા નિવેદન આપ્યું હતું કે આ ચૂંટણી પછી તમામ પ્રાદેશિક પક્ષો કોંગ્રેસમાં ભળી જશે. આ નરેન્દ્ર મોદીના નિવેદનની પૃષ્ઠભૂમિ છે. શરદ પવાર ગમે તે કહે, ઉદ્ધવ ઠાકરે પહેલેથી જ તેમની પાર્ટીને કોંગ્રેસમાં વિલીન કરી ચૂક્યા છે.

થાણે અને કલ્યાણ બેઠક પર વિજય પાકો
થાણે સીટ જીતવા માટે ભાજપના વરિષ્ઠ નેતા ગણેશ નાઈક, તેમના પુત્રો સંજીવ અને સંદીપ સંપૂર્ણ તાકાત સાથે મેદાનમાં ઉતર્યા છે. નાઈકે પોતે કહ્યું છે કે ‘નરેશ મ્હસ્કે મારા જૂના કાર્યકર છે’. થાણે રાષ્ટ્રવાદી ભાવનાઓથી ભરેલો મતવિસ્તાર છે. આ મતવિસ્તારમાં દેશભક્તિથી પ્રેરિત નાગરિકો વસે છે. રામભાઉ મ્હાલગી, રામ કાપસે જેવા મહાન નેતાઓએ સાંસદ તરીકે આ મતવિસ્તારનું પ્રતિનિધિત્વ કર્યું છે. થાણેમાં કોઈ પણ આવીને પ્રચાર કરે, અમે આ મતવિસ્તારને રેકોર્ડ મતોથી જીતીશું, એવો વિશ્ર્વાસ તેમણે વ્યક્ત કર્યો હતો. પાડોશની કલ્યાણ બેઠક પર શ્રીકાંત શિંદેએ કરેલા કામનો ત્યાંના મતદારો સ્વીકાર કરશે. શ્રીકાંતે કરેલા કામ પર મને ગર્વ છે, એમ તેમણે કહ્યું હતું.

મોદી રેકોર્ડબ્રેક બેઠકો સાથે ચૂંટાશે
વિપક્ષ માટે નરેન્દ્ર મોદીનું અપમાન કરવાનો એક જ કાર્યક્રમ બાકી રહ્યો છે. 2014ની ચૂંટણી દરમિયાન મોદીને વિપક્ષે ‘મૌત કા સૌદાગર’ તરીકે ઓળખાવ્યા હતા. ગઈ ચૂંટણીમાં આ મંડળી ‘ચોકીદાર ચોર હૈ’ કહેતી હતી. હવે તડીપાર વગેરે જેવી નીચી ભાષા વાપરી રહ્યા છીએ. એક વાત નોંધનીય છે કે વિપક્ષ મોદીને જેટલા અપશબ્દો બોલે છે, તેટલા વધુ લોકો તેમને સમર્થન આપે છે. 2014, 2019માં શું થયું તે વિરોધીઓએ જોઈ લીધું છે. આ વખતે પણ મોદી રેકોર્ડ બ્રેક બેઠકો સાથે ચૂંટાશે, એમ તેમણે કહ્યું હતું.

Show More

Related Articles

Leave a Reply

Your email address will not be published. Required fields are marked *

Back to top button
બુક પરથી બનાવવામાં આવેલી 9 Superhit Filmમાંથી તમે કેટલી જોઈ છે? આ અભિનેત્રીઓએ પણ લગ્ન માટે સ્વીકાર્યો છે મુસ્લિમ ધર્મ શું આ ડ્રાયફ્રૂટ ખાવાથી વધે છે કોલેસ્ટ્રોલ? ચાલો જાણીએ હકીકત… દહીં સાથે ક્યારેય નહી ખાવી જોઇએ આ ચીજ, સ્વાસ્થ્યને થાય છે નુક્સાન