ઈશ્ર્વરનું સર્વશ્રેષ્ઠ સર્જન: સ્ત્રી

30th January 2025 at 8:00 AM

1 minute read

ફોકસ -ઝુબૈદા વલિયાણી

એવી કઈ અદ્ભુત ક્ષણ હશે જ્યારે ઈશ્ર્વરને ‘સ્ત્રી’નું સર્જન કરવાનું સૂઝ્યું હશે?

આખાયે વિશ્ર્વના સર્જનહાર ‘સ્ત્રી’નું સર્જન કર્યું છે.
કારણ કદાચ તેમને જ્ઞાન હશે કે ‘સ્ત્રી’ જ સર્જી શકે છે પ્રેમનું સાચું સગપણ.
શક્તિનું સાચું રૂપ છે ‘સ્ત્રી’ અને તેથી જ આપણે વંદન કરતાં કહીએ
છીએ કે –
સ્ત્રી
સંસ્કારો,
સમન્વય,
સહિષ્ણુતા,
સદાચાર અને
સહનશીલતાનો સરવાળો છે.
‘સ્ત્રી’ના ઘણાંય રૂપ છે, જેમ કે –
મા,
દીકરી,
બહેન,
ભાભી, દાદી વિગેરે વિગેરે… પરંતુ
સર્વોપરી તેનું શ્રેષ્ઠ રૂપ છે ‘મા’. માના રૂપને શક્તિની ઉપમા આપવામાં આવી છે.
પ્રેમ,
કરૂણા,
અને
વાત્સલ્યની મૂર્તિ સમાન છે મા.
સ્ત્રીને લક્ષ્મીજીનો અવતાર પણ કહી છે.

સનાતન સત્ય:

મકાનને ઘર બનાવી શકે છે સ્ત્રી.
જીવનમાં મધુરતાનું સંગીત પાથરી શકે છે સ્ત્રી.
ઉત્તમ ગૃહિણી.
ઉત્તમ સહચારી, * ઉત્તમ એક ‘સ્ત્રી’… એક આર્યનારી જ બની શકે છે. તેથી
સંસારરથને
દુ:ખ અને સુખના ભારથી,
હિંમત અને હાસ્યથી ઉત્તમ સારથિરૂપ બની ‘સ્ત્રી’ જ ચલાવી શકે છે.
તેથી જ ઈશ્ર્વરનું શ્રેષ્ઠ સર્જન છે ‘સ્ત્રી’!

સ્ત્રીનો સાચો શણગાર:
જ્યારે પણ દીકરીનો જન્મ થાય ને તેનાં પાવન પગલાં થાય એટલે લક્ષ્મીનાં વધામણાની ખુશાલી છવાઈ જાય છે. તેના જન્મની સાથે જ તેની ફરજો ને તેના હકોની ગાંઠો બંધાઈ જાય છે.

ઘોડિયામાં ઝૂલતાં ઝૂલતાં… માતાની લોરી (હાલરડા)માં પણ જાણે દીકરીને સંસ્કારોના સૂર સંભળાય છે. – ઘોડિયાની બહાર પા-પા પગલી ભરતાં… ક્યાંક અથડાતાં જરા પડી જાય કે માર વાગે ત્યારથી જ સહનશીલતા ને સાંત્વનાના ગુણ શીખવવામાં આવે છે કે, ‘દીકરા…! આજે તો પહેલું ડગલું મૂકતાં અથડામણ આવી છે. બેટા, સંસારના ડગલે ને પગલે તારે આવી અનેક કસોટી અને સુખ-દુ:ખની અથડામણો આવશે. તારે તેને સહન કરી, હિંમતભેર આગળ વધવાનું છે.’
જેમ જેમ દીકરી મોટી થાય ને શાળામાં જાય તે દિવસથી જ તેને શીખવવામાં આવે છે,
બેટા…! આ પાઠશાળાની સાથે તારે ગૃહસ્થ જીવનની પાઠશાળાના નિયમો પણ શીખવા પડશે. ગૃહશાળામાં ફક્ત ઘર અને રસોઈઘર નહીં પરંતુ જ્ઞાન અને વિજ્ઞાનની ભાષા સાથે
પરખ,
પરિચય,
પરિવાર અને
પ્રેમની પણ ભાષા શીખવી પડશે!
રસોઈઘરમાં ડગલું માંડતાં જ ક્ષમા અને મિત્રભાવનાનાં મિષ્ઠાન શીખવવામાં આવે છે.

બોધ: