લાડકી
ફોકસ : સ્ત્રીઓમાં પર્વ ઉજવણીનો ઉત્સાહ પુરુષ કરતાં વધુ કેમ હોય છે?
-ઝુબેદા વલિયાણી
ઉત્સવોને આપણે ધાર્મિક રીતે જોઈએ કે સામાજિક રીતે, પરંતુ એક વાત ખૂબ જ સ્પષ્ટ છે કે સ્ત્રીઓ જે ઉત્સવમાંથી હટી જાય અને ઉત્સવ ઉત્સવ નથી રહેતો.
- આનંદનો કોઈપણ પ્રસંગ હોય,
- મેળાવડો હોય,
- કોકટેલ પાર્ટી હોય કે
- જ્ઞાતિભોજન, લગ્નપ્રસંગ હોય કે ધાર્મિક ઉત્સવ!
- એ ઉત્સવને દીપાવે છે સ્ત્રી.
- પુરુષ કદાચ આનંદને સ્ત્રી જેટલી મોકળાશથી માણી શકતો નથી અથવા તો એને આનંદ શું એની ખબર જ નથી એવું આપણા દેશના બધા
- પર્વો,
- ઉત્સવો,
- તહેવારો,
- મેળાઓ,
- મેળાવડાઓ જોયા પછી લાગતું હતું.
- પરંતુ હવે તો વિશ્ર્વવિખ્યાત માનસશાસ્ત્રીઓ એવા તારતમ્ય પર આવ્યા છે જે આનંદની અનુભૂતિ કરવા-કરાવવામાં સ્ત્રી જેટલી મુક્ત વિચાર ધરાવે છે એટલા પુરુષો પછાત છે. પછી એ તરણેતરનો મેળો હોય કે ફાઈવ સ્ટાર હોટલની પાર્ટી.
- આ તહેવારો જો હજી ટકી રહ્યા હોય તો એનું કારણ સ્ત્રી છે. નહીં તો પુરુષોએ આ તહેવારોને પણ પંદરમી ઑગષ્ટ અને 26મી જાન્યુઆરી જેવા સોગીયા બનાવી દીધા હોત.
- માણસજાતને ઉત્સવ પ્રિય છે, પણ કોઈપણ પ્રસંગને સ્ત્રી જ ઉત્સવમાં ફેરવી શકે છે.
- સાવ નાનકડી વાત લઈએ તો ઘરમાં બાળકનો બર્થ ડે હોય તો બાપ એ દિવસ કઈ રીતે ઉજવવાનું કહેશે અને મા કેવી યોજના કરશે એ અલગ અલગ કાગળ પર લખાવો.
- બાપ લખશે-
- સવારે સંતાનને મીઠું મોઢું કરાવવું,
- બપોરે સરસ લંચ,
- સાંજે બાળકોની પાર્ટી અને પછી
- ફેમિલી સાથે ક્વાએટ ડિનર.
- મા લખશે-
- સવારે સંતાનને ખૂબ સરસ રીતે તૈયાર કરીશ.
- પછી બધા વડીલોને પગે લાગવાનું
કહીશ. - પછી એને ભાવતી ચીજ નાસ્તામાં
આપીશ. - પછી એના મિત્રો સાથે રમવા મોકલીશ.
- બપોરે લંચ વખતે કુટુમ્બ ખાનગી ઉત્સવ લંચ લેશે, એ વખતે અમે બધા એને ભેટ
આપીશું, - પછી સાંજે પાર્ટી. એમાં બધા જ ખૂબ સરસ રીતે તૈયાર થાય, આનંદપૂર્વક ભાગ લે…!
- જોયું ને? લખાણમાં આટલો ફેર હોય તો ઉજવણીમાં કેટલો ફરક પડી જાય એ કહી શકશોને?
- એક રશિયન કહેવત છે કે તમે પુરુષોને કોઈ પણ આનંદ આયોજનની જવાબદારી સોંપો એમાં બેફામ બનવાનું જ વિચારશે. પણ સ્ત્રી એ જ પ્રસંગને કાયમી યાદમાં બદલી નાખવાનું વિચારશે.
- અમેરિકામાં પણ કહે છે ને કે મેઈલ બીગ્ઝ ફેસ્ટિવિટી ટુ ઍન્ડ… બટ ફિમેલ મેઈક ઈટ ગો…
- આપણે ત્યાં પણ યુગો યુગોથી એવું જ શું નથી બનતું આવ્યું.
- મહાભારતમાં કૌરવ-પાંડવ ભેગા થઈને આનંદમાં તો જુગાર જ રમતા હતા ને?
- રામાયણમાં રાવણની ઉત્સવપ્રિયતાનો અંત તો સીતા જ હતી ને?
- એની સામે આપણી દિવાળી,
- ઈસમાઈલી અને પારસીભાઈઓના નવરોજ,
- મુસ્લિમ બિરાદરોની ઈદ,
- શીખોની નાનક જયંતી કે
- ખ્રિસ્તીઓની નાતાલ જુવો.
- તમને આ બધા જ ઉત્સવોમાં પુરુષ મોખરે દેખાશે અને આનંદની વહેંચણી કરવામાં સ્ત્રી!
- કારણ સ્ત્રીને
- સૌન્દર્ય,
- કલા,
- સંસ્કૃતિ,
- સંસ્કાર,
- સભ્યતા બધા સાથે ગર્ભનાળનો સંબંધ છે.
- એની ઋજુતા,
- એની ઉત્સવપ્રિયતા,
- એની સૌન્દર્ય ઉપાસના બધું જ સર્જનાત્મક છે.
- હા,
- જ્યારે પણ એનો ખોટો ઉપયોગ થાય છે ત્યારે દોષિત શોધવા જવો પડતો નથી.
- ઉત્સવની સ્ત્રીઓ આતુરતાપૂર્વક રાહ જોતી હોય છે એના અનેક કારણ છે જેમાના કેટલાંક કારણો પર રોશની પ્રસ્તુત લેખના આવતા અંકના બીજા ભાગમાં વાંચીશું.
આપણ વાંચો: કથા કોલાજ : હું હારીને સંસારથી નિવૃત્ત નથી થઈ મેં સંન્યાસનો માર્ગ પસંદ કર્યો છે
