રમૂજી સવાલના મનમોજી જવાબ

દર્શન ભાવસાર

ધનોતપનોત નીકળી જાય. પછી શું ?

• ભૂતપલિત.
  મારી પત્ની મારું કહ્યું માનતી નથી.
• -તો તમે બીજાની પત્નીનું માનવાનું શરૂ કરો.
  બજારમાં નીકળેલી બહેનનો ભાઈ કોણ હોય?
• પાણી પૂરીવાળા ભૈયાજી.
  મારે જાવું પેલે પાર…કવિને ક્યાં જવું હશે?
• ટ્રમ્પજીના દેશ અમેરિકામાં… એ પણ, બે નંબરમાં !
  એક મૂરખને એવી ટેવ…એને કઈ ટેવ હશે?
• મૂર્ખામીભર્યા….સવાલ કરવાની!
  જૂના મકાનની જેમ જૂના મેરેજનું રિડેવલોપમેન્ટ થાય તો?
• વધુ જગ્યા મળે, પણ ભાડુંય વધુ આપવું પડે !
  પોસિબલમાં કયું બળ હોય?
• મન વત્તા બળ.
  ભાવતાલમાં તાલ શેનો હોય?.
• તોલવાનો તાલ ..
  આજકાલ સંતસાધુના બફાટ કેમ વધી ગયા છે ?
• પ્રવચન કરતાં બફાટ વધુ ઝડપથી પ્રસરે માટે!
  પ્રેમમાં ગુરુત્વાકર્ષણનો કયો નિયમ લાગુ પડે?
• લગ્ન અને પછી ગૃહસ્થાકર્ષણનો.
  સ્વપ્નના સંસારનો ફાયદો શું?
• ગમે ત્યારે છૂટાછેડા તો લઈ શકાય! .
  લગ્નમાં સાત ફેરાં ને છૂટાછેડા માટે?
• કોર્ટના અગણિત આંટાફેરા.
  રામરાજ્યને હવે કેટલી વાર ?
• રામ દેખાય એટલી ! .
  પરીકથા કેમ સાંભળવા મળતી નથી?
• પરીઓ હવે પડોશણ થઈ ગઈ છે એટલે.
  છોરું કછોરું થાય તો મા-બાપે શું કરવાનું?
• ટોકવાનું – રોકવાનું….ના માને તો
  રડીને ચૂપ રહેવાનું !

આ પણ વાંચો : રમૂજી સવાલના મનમોજી જવાબ