રમુજી સવાલના મનમોજી જવાબ…

દર્શન ભાવસાર

દેશમાં સૌથી વધુ શું ફગાવી દેવાય છે?

• આક્ષેપો…
  સૌથી ઝડપથી શું પ્રસરે?
• અફવા…
  બુલડોઝર બાબાથી બચવા શું કરવું જોઈએ?
• ન્યાય દેવીના શરણે જવું…
  ઉધાર લેવું સારું કે રોકડા આપવા?
• મને તો ઉધાર લીધેલી વસ્તુ વેચીને રોકડા કરવાનું ગમે…
  રોજ રામાયણ થતી હોય તો મહાભારત ક્યારે?.
• રામાયણ પત્યા પછી….
  નેતાની પત્નીને નેતી કેમ કહેવાતી નથી?
• મંત્રી મંડળમાં ઠરાવ બાકી હશે.!
  કૂતરાં અને ગધેડા વચ્ચે ઝઘડો કરાવીએ તો શું થાય?
• એવા વાનરવેડા ના કરાય.
  દુ:શાસન ક્યાં હોય?
• શાસનમાં.
  તડકા અને કડકા વચ્ચે ફરક શું?
• તડકો ગરમ અને કડકો નરમ ઠંડો હોય..
  પ્રેમી યુગલ બગીચામાં કેમ વધુ જતાં હશે?
• એન્ટ્રી – એકટિવિટી – એકાંત બધું ફ્રીમાં મળે એટલે…
  નવદંપતી ગોળ ફેરા કેમ ફરે છે?
• ‘લગ્ન સંસારમાં પણ આમ ફરતા રહેશો’ એવી શીખ આપવા માટે
  જોરુના ગુલામ હોય તો જોરુના રાજા કેમ નહી?
• જોકર કેમ ભૂલી ગયા?
  અમુક સંતો લોકોને ત્રણ સંતાન પેદા કરવાની સલાહ આપે છે. આવું કેમ?
• સલાહ આપતા સંતોએ કયાં કોઈ સંસારીનું ઘર ચલાવવનું હોય છે..
  વટહુકમમાં કોનો વટ પડે?
• હુકમ કરનારનો.
  અમુક લોકો સિક્યોરિટી ગાર્ડ સાથે કેમ બાથડે છે?
• પોતાને બુદ્ધિવાન કે બહાદુર દેખાડવા…
  ગાંધી માર્ગે ચાલવા શું કરું?
• પહેલાં પગરખાં ઉતારી નાખો…
  રૂપિયો ગગડીને ક્યાં જતો હશે?
• જ્યાંથી આવ્યો ત્યાં…