સુનિતા વિલિયમ્સના પતિ કોણ છે અને શું કરે છે, જાણો લવસ્ટોરી?

સુનિતા વિલિયમ્સ વિશ્વભરમાં જાણીતું નામ છે. જોકે, તેમના અંગત જીવન વિશે તેમના પરિવાર વિશે ભાગ્યેજ કોઈ વાકેફ હશે. નાસા (National Aeronautics and Space Administration)ના પ્રખ્યાત અવકાશયાત્રી સુનિતા વિલિયમ્સે પૃથ્વીની પરિક્રમા કરતા વર્ષો વિતાવ્યા છે અને ક્રાંતિકારી અવકાશ અભિયાનો શરૂ કર્યા છે. જોકે, તેમના તમામ મિશન દરમિયાન એ વ્યક્તિનો તેમને સતત અને મજબૂત ટેકો મળ્યો હતો અને તે છે તેમના પતિ, માઈકલ જે વિલિયમ્સ.

આ પણ વાંચો: આ કોણ અવકાશયાત્રી Sunita Williamsનું સ્વાગત કરવા પહોંચ્યું? વીડિયો થયો વાઈરલ…

માઈકલ કુશળ હેલિકોપ્ટર પાઈલટ પણ છે

સુનિતા વિલિયમ્સ અને માઈકલ વચ્ચેના સંબંધ, પ્રેમ, પ્રશંસા અને સહિયારી માન્યતાઓનો સુંદર પુરાવો છે, જે સાબિત કરે છે કે પ્રેમની કોઈ સીમા હોતી નથી. સુનિતા વિલિયમ્સના પતિ માઈકલ જે. વિલિયમ્સ એક અમેરિકન કાયદા વિભાગના ઉચ્ચ અધિકારી છે, જેમણે પોતાની કારકિર્દી યુએસ માર્શલ તરીકે સેવા પણ આપી છે. તેમની અન્ય કામગીરી ન્યાયિક અધિકારીઓનું રક્ષણ કરવું અને કાયદાનું પાલન કરવાનો પણ સમાવેશ થાય છે. આ ઉપરાંત, માઈકલ એક કુશળ હેલિકોપ્ટર પાઈલટ પણ છે.

આજે દંપતી હિન્દુ ધર્મને સહર્ષ અનુસરે છે

સુનિતા વિલિયમ્સ અને માઈકલ જે વિલિયમ્સની એક અનોખી લવસ્ટોરી છે અને જેની શરૂઆત ૧૯૮૭માં મેરીલેન્ડના એનાપોલિસમાં નેવલ એકેડેમીમાં થઈ હતી. લશ્કરમાં તેમની પરસ્પરના શોખ અને સહયોગી અનુભવોએ તેમને નજીક લાવ્યા, જેના કારણે તેઓ મજબૂત બંધનમાં બંધાયા હતા. જોકે, ઘણા વર્ષો સુધી ડેટિંગ કર્યા પછી તેઓએ લગ્ન કર્યા. અલગ અલગ સાંસ્કૃતિક અને ધાર્મિક પૃષ્ઠભૂમિમાંથી આવતા હોવા છતાં આ દંપતીએ એકબીજાના આધ્યાત્મિક તફાવતોને પણ સહર્ષ સ્વીકાર્યા હતા અને મળતા અહેવાલો અનુસાર બંને હવે હિન્દુ ધર્મને અનુસરે છે.

બાળકીને દત્તક લેવાના હતા પણ નહીં લીધી

થોડા વર્ષો પહેલા, એવી અટકળો ચાલી રહી હતી કે સુનિતા અને માઇકલ ભારતના અમદાવાદથી એક બાળકીને દત્તક લેવાનું વિચારી રહ્યા હતા, પરંતુ વ્યક્તિગત કારણોસર આ યોજના સાકાર થઈ શકી નહીં. તેમને કોઈ સંતાન નથી, પરંતુ આ દંપતી પાંચ શ્વાન સંભાળ રાખે છે. તેમનો શાશ્વત પ્રેમ અને પરસ્પર આદર તેમની પ્રેરણાદાયી યાત્રાને દર્શાવે છે. સુનિતા વિલિયમ્સના પિતા દીપક પંડ્યાએ તેમની કારકિર્દીને ઘડવામાં મુખ્ય ભૂમિકા ભજવી હતી. મૂળ ગુજરાતના ઝુલાસણના વતની ૧૯૫૦ના દાયકામાં દવા અને સંશોધનમાં એક પ્રતિષ્ઠિત કારકિર્દી બનાવવા માટે યુનાઇટેડ સ્ટેટ્સ ગયા હતા.

માતાએ હરખભેર ખુશી વ્યક્ત કરી

તેમની પ્રેરણાદાયી વાર્તા અને મજબૂત કાર્ય નીતિએ સુનિતાને પ્રભાવિત કર્યા, જેનાથી તેમના સંશોધન પ્રત્યેના જુસ્સાને વેગ મળ્યો. તેની માતા, ઉર્સુલિન બોની ઝાલોકર, પણ સુનિતાની સિદ્ધિઓ પર ગર્વ વ્યક્ત કરે છે. એક મુલાકાતમાં તેમણે કહ્યું હતું કે તેની પુત્રી એવું કંઈક કરી રહી છે, જેનું કાર્ય તેના હૃદયની ખૂબ નજીક છે. તો હું તેના વિશે કેવી રીતે દુઃખી થઈ શકું? હું તેના માટે ખુશ છું.