President Election: નબળી પણ જીતીશ, ટ્રમ્પને કમલા હેરિસનો પડકાર
વોશિંગ્ટન : ડેમોક્રેટિક પાર્ટી તરફથી રાષ્ટ્રપતિ પદના સંભવિત ઉમેદવાર કમલા હેરિસે(Kamala Harris) મોટું નિવેદન આપ્યું છે. તેમણે આ નિવેદન એવા સમયે આપ્યું છે જ્યારે નવા સર્વેમાં તે ટ્રમ્પને ટક્કર આપવા નજીક આવી રહી હોય તેવું લાગી રહ્યું છે. હેરિસે કહ્યું કે ભલે તેમને વ્હાઇટ હાઉસની રેસમાં નબળા ગણવામાં આવી રહ્યા છે. પરંતુ તે નિશ્ચિતપણે ગ્રાસરૂટ લેવલે લોકો-કેન્દ્રિત અભિયાનનાના પગલે નવેમ્બરમાં ચૂંટણી જીતશે.
800 લોકોના જૂથને સંબોધિન કર્યું
રાષ્ટ્રપતિ પદ માટે તેમની ઉમેદવારીની સત્તાવાર જાહેરાત પછીના પ્રથમ ભંડોળ એકત્રીકરણ અભિયાનમાં હેરિસે સમર્થકોને કહ્યું હતું કે આ વર્ષની ચૂંટણી એ દેશ માટે બે દ્રષ્ટિકોણો વચ્ચેની પસંદગી છે – એક જે ભવિષ્ય તરફ જુએ છે બીજું, જે દેશની પ્રગતિને નષ્ટ કરવા માંગે છે. અમને આ રેસમાં નબળા ગણવામાં આવે છે. વાઇસ પ્રેસિડેન્ટ હેરિસે પિટ્સફિલ્ડમાં તેમના માટે ભંડોળ એકત્ર કરવા માટે 800 લોકોના જૂથને સંબોધિત કરતી વખતે કહ્યું કે એક સ્તર નક્કી કરવામાં આવ્યું છે.
હું ચૂંટણી જીતીશ : હેરિસ
આ રેસમાં આપણને નબળા માનવામાં આવી શકે છે. પરંતુ આ પાયાના સ્તરે લોકો-કેન્દ્રિત અભિયાન છે. તેમણે શનિવારે આ કાર્યક્રમમાં 14 લાખ ડોલરનું ભંડોળ એકત્ર કર્યું હતું. પ્રેક્ષકોની તાળીઓના ગડગડાટ વચ્ચે 59 વર્ષીય હેરિસે જણાવ્યું હતું કે ડેમોક્રેટિક પાર્ટી તરફથી નોમિનેશન માટે જરૂરી પ્રતિનિધિઓનું સમર્થન મેળવ્યું છે.
ટ્રમ્પ જુઠ્ઠાણું અને ભ્રમ ફેલાવી રહ્યા છે : હેરિસ
પરંતુ લક્ષ્ય રાખીને તેણે પૂછ્યું, અમે કયા દેશમાં રહેવા માંગીએ છીએ? શું આપણે સ્વતંત્રતા, કરુણા અને કાયદાના શાસનના દેશમાં રહેવા માંગીએ છીએ અથવા આપણે અરાજકતા, ડર અને નફરતવાળા દેશમાં રહેવા માંગીએ છીએ. હેરિસે આશા વ્યક્ત કરી કે ભૂતપૂર્વ રાષ્ટ્રપતિ ટ્રમ્પ તેમની સાથે ચર્ચા કરવા માટે સંમત થશે? તેમણે આરોપ લગાવ્યો કે ટ્રમ્પ તેમની વિરુદ્ધ જુઠ્ઠાણું અને ભ્રમ ફેલાવી રહ્યા છે.
