તહેરાન : ઈરાન અને ઈઝરાયલ વચ્ચે સતત ચાલી રહેલા યુદ્ધમાં અમેરિકાની એન્ટ્રીથી યુદ્ધ વધુ તીવ્ર બન્યું છે. જેમાં અમેરિકી સેનાએ ઈરાનના ત્રણ મુખ્ય પરમાણુ સ્થળો, ઈસ્ફહાન, નતાન્ઝ અને ફોર્ડો પર હુમલો કર્યો છે. આ હુમલા બાદ ઈરાને અમેરિકી રાષ્ટ્રપતિ ડોનાલ્ડ ટ્રમ્પને ચેતવણી આપી છે. તેમણે કહ્યું છે કે તમે શરૂઆત કરી છે અમે તેને પૂર્ણ કરીશું.
હુમલા પહેલા યુરેનિયમ ભંડાર ખસેડ્યા હતા
આ અગાઉ ઈરાની મીડિયાએ અમેરિકી હુમલાની પુષ્ટિ કરી હતી અને અહેવાલ આપ્યો હતો કે અમેરિકી સેનાએ અત્યાધુનિક મિસાઈલ સિસ્ટમ અને ડ્રોન દ્વારા પરમાણુ સ્થળ પર હુમલો કર્યો હતો. જોકે, ઈરાની ન્યૂઝ ચેનલોએ એવો પણ દાવો કર્યો હતો કે તેમણે હુમલા પહેલા તેમના યુરેનિયમ ભંડાર ખસેડ્યા હતા. માર્ચ 2025 માં જ ઈરાને તેના સંવેદનશીલ પરમાણુ ઉપકરણોને સુરક્ષિત સ્થળોએ મોકલવાની યોજના બનાવી હતી.
અમેરિકીનો હેતુ ઈરાનના પરમાણુ કાર્યક્રમને મર્યાદિત કરવાનો
અમેરિકી હુમલા પાછળનો હેતુ ઈરાનના પરમાણુ કાર્યક્રમને મર્યાદિત કરવાનો છે. આમાં, અમેરિકા ઈઝરાયલ સાથે મળીને કામ કરી રહ્યું છે. બંનેનો ઉદ્દેશ્ય ઈરાન જેવા ઈસ્લામિક દેશના હાથમાં પરમાણુ બોમ્બ પડતા અટકાવવાનો છે. તેમને ડર છે કે જો ઈરાન આમ કરવામાં સફળ રહ્યું તો તે તેમના માટે મુશ્કેલીનું કારણ બનશે. આ ઉદ્દેશ્યો સાથે, ઈરાનના નતાન્ઝ, ઇસ્ફહાન અને ફોર્ડો જેવા પરમાણુ ઠેકાણાઓ પર હુમલો કરવામાં આવ્યો છે.
વ્હાઇટ હાઉસે હુમલાની માહિતી આપી
અમેરિકન હુમલા અંગે, વ્હાઇટ હાઉસના અધિકારીઓએ માહિતી આપી હતી કે યુએસ સેનાએ ઈરાનમાં સ્થિત ઇસ્ફહાન, નતાન્ઝ અને ફોર્ડો પરમાણુ ઠેકાણાઓ પર હુમલો કર્યો છે. આ અંગે રાષ્ટ્રપતિ ડોનાલ્ડ ટ્રમ્પે ઇઝરાયલના વડા પ્રધાન નેતન્યાહૂ સાથે ફોન પર વાત કરી હતી અને ઈરાનને યુદ્ધ બંધ કરવાની ધમકી પણ આપી હતી નહીં તો તેઓ ફરીથી હુમલો કરશે.
આપણ વાંચો : “ઈઝરાયલનો હુમલો આંતરરાષ્ટ્રીય કાયદાનું ઉલ્લંઘન છે” UNHRCમાં ઈરાનના વિદેશ મંત્રી બોલ્યા
