Russia Ukraine War: યુક્રેને રશિયા પર કર્યો ઘાતક હુમલો, પહોંચાડ્યું મોટું નુકસાન
કિવઃ યુક્રેનની સેનાએ(Russia Ukraine War)દાવો કર્યો છે કે તેણે ક્રિમિયામાં રશિયાના મહત્વના ઓઈલ ટર્મિનલને નિશાન બનાવ્યું છે જ્યાંથી યુદ્ધમાં રશિયન સેનાને ઓઈલ સપ્લાય કરવામાં આવે છે. જ્યારે યુક્રેનના રાષ્ટ્રપતિ ઝેલેન્સકીએ કહ્યું કે યુદ્ધ નિર્ણાયક તબક્કામાં પ્રવેશી ગયું છે. યુક્રેનના જનરલ સ્ટાફે સોશિયલ મીડિયા દ્વારા જણાવ્યું હતું કે કબજે કરેલા ક્રિમીયન દ્વીપકલ્પના દક્ષિણમાં સ્થિત ફિઓડોસિયા ઓઇલ ટર્મિનલ પર રશિયાની સૈન્ય અને આર્થિક સંભાવનાઓને નુકશાન પહોંચાડવાના ઇરાદાથી હુમલો કરવામાં આવ્યો હતો. કારણ કે રશિયન દળોને ત્યાંથી યુદ્ધ સંબંધિત પુરવઠો મળી રહ્યો છે.
યુક્રેનનું ઘાતક શસ્ત્ર
ફિઓડોસિયામાં તૈનાત રશિયન અધિકારીઓએ જણાવ્યું હતું કે સોમવારે સવારે કાળા સમુદ્રના કિનારે ટર્મિનલમાં આગ ફાટી નીકળી હતી. પરંતુ તેનું કારણ જાહેર કર્યું નથી. યુક્રેન તેના ત્રીજા વર્ષમાં પ્રવેશી ચૂકેલા યુદ્ધમાં રશિયાના કબજા હેઠળના મુખ્ય વિસ્તારોને નિશાન બનાવી રહ્યું છે. તેણે લાંબા અંતરના ડ્રોન વિકસાવ્યા છે. જેનો ઉપયોગ ઓઇલ ડેપો અને ઓઇલ રિફાઇનરીઓ તેમજ શસ્ત્રાગાર પર હુમલો કરવા માટે કરવામાં આવે છે.
આ પણ વાંચો :રશિયાની ચેતવણી છતાં ભારતમાં બનેલા હથીયારો યુક્રેન પહોંચ્યા, અહેવાલમાં ઘટસ્ફોટ
રશિયાને યુદ્ધથી કંઈ મળશે નહીં
ઝેલેન્સકીએ રવિવારના રાત્રે કહ્યું હતું કે યુક્રેનની સૈન્ય પૂર્વમાં મોટા રશિયન દળોને રોકવા માટે સંઘર્ષ કરી રહી હોવાથી યુદ્ધ એક નિર્ણાયક તબક્કામાં પ્રવેશ્યું છે, જ્યારે તેણે બે મહિના પહેલા કબજે કરેલા રશિયાના કુર્સ્ક સરહદ વિસ્તાર પર મજબૂત સ્થિતિ જાળવી રાખી હતી. તેમણે એક વિડીયો સંદેશમાં કહ્યું કે યુક્રેને રશિયા પર એવી રીતે દબાણ કરવું જોઈએ કે રશિયાને ખબર પડે કે તેઓ યુદ્ધથી કંઈપણ મેળવી શકશે નહીં.અમે રશિયા પર વધુ દબાણ ચાલુ રાખીશું. કારણ કે અમે તાકાતના માધ્યમથી અમે શાંતિને નજીક લાવી શકીશું.
