ઇન્ટરનેશનલ

તો શું અમેરિકા ડબલ સ્ટાન્ડર્ડ અપનાવી રહ્યું છે?

અમેરિકાએ પહેલા કેનેડાને ચડાવ્યું હવે પીઓકેમાં માથું માર્યું..

ઈસ્લામાબાદ: અમેરિકી રાજદૂત ડોનાલ્ડ બ્લોમની પીઓકેની મુલાકાતને લઈને પાકિસ્તાનમાં વિવાદ ઉભો કર્યો છે. અમેરિકાએ ફરી એકવાર ભારતને ઉશ્કેરવાનું કામ કર્યું છે. બ્લોમ ગયા વર્ષે પણ પીઓકેના ગિલગિટ બાલ્ટિસ્તાનમાં ગયા હતા અને ત્યારબાદ ભારતે તેનો વિરોધ કર્યો હતો. બ્લોમે પીઓકેને આઝાદ કાશ્મીર ગણાવ્યું છે. તેમના નિવેદન બાદ ભારત અને અમેરિકા વચ્ચે તણાવ વધી શકે છે કારણ કે કેનેડાને કારણે બંને દેશો વચ્ચે પહેલાથી જ કેટલાક મતભેદો થયા છે. બ્લોમે ગિલગિટ-બાલ્ટિસ્તાનમાં યુનિવર્સિટીમાં એક છોડ પણ રોપ્યો છે.

ભારતમાં અમેરિકી રાજદૂત ગાર્સેટીએ કહ્યું હતું કે અમારા પ્રતિનિધિમંડળે જી-20 બેઠક દરમિયાન કાશ્મીરની મુલાકાત પણ લીધી હતી. બ્લોમની પીઓકેની મુલાકાત સાવ અલગ હતી. આ બે દેશો ભરત અને પાકિસ્તાન વચ્ચેનો મુદ્દો છે, જેને દ્વિપક્ષીય રીતે ઉકેલવો જોઈએ જેમાં અમેરિકા સહિત કોઈ ત્રીજા પક્ષે તેમાં દખલ ન કરવી જોઈએ.


બ્લોમે ગિલગિટ બાલ્ટિસ્તાનના ઘણા સ્થળોની મુલાકાત લીધી હતી. તેઓ ત્યાં યુએનડીપીના ઘણા પ્રોજેક્ટનું નિરીક્ષણ કરવા પણ ગયા હતા. એટલું જ નહીં ગિલગિટ બાલ્ટિસ્તાન એસેમ્બલીના ડેપ્યુટી સ્પીકર સાદિયા દાનિશ અને એસેમ્બલી મેમ્બર રાની સનમ ફર્યાદ પણ બ્લોમને મળ્યા હતા.


આ પહેલીવાર નથી જ્યારે અમેરિકી રાજદૂતે પીઓકેની મુલાકાત લીધી હોય. ઓક્ટોબર 2022માં રાજદૂત ડોનાલ્ડ પણ મુઝફ્ફરાબાદ ગયા હતા અને પાકિસ્તાન દ્વારા નિયુક્ત વડા પ્રધાન તનવીર ઇલ્યાસને મળ્યા હતા. 2005ના ભૂકંપમાં માર્યા ગયેલા લોકોને શ્રદ્ધાંજલિ આપતા બ્લોમે કહ્યું હતું કે 75 વર્ષની અમારી ભાગીદારીમાં અમેરિકા હંમેશા પાકિસ્તાનની સાથે ઊભું રહ્યું છે. 


બ્લોમના આ પગલા બાદ સવાલો ઉઠી રહ્યા છે કે શું અમેરિકા ખતરનાક રીતે ડબલ ગેમ રમી રહ્યું છે. પાકિસ્તાની મીડિયા અનુસાર ડોનાલ્ડ બ્લોમે સત્તાવાર રીતે ‘આઝાદ જમ્મુ અને કાશ્મીર યુનિવર્સિટી’માં પુષ્પાંજલિ અર્પણ કરી હતી. તેમજ વૃક્ષારોપણ કર્યું હતું. મુઝફ્ફરાબાદની મુલાકાત દરમિયાન તેમણે પીઓકેને ‘આઝાદ જમ્મુ અને કાશ્મીર’ તરીકે ઓળખાવ્યું હતું. આ સિવાય ઈસ્લામાબાદમાં અમેરિકી રાજદૂત ડોનાલ્ડ બ્લોમે એક ટ્વિટ કરીને ભારત અને અમેરિકાના સંબંધો પર પ્રશ્નાર્થ ચિહ્ન લગાવ્યું હતું. પીઓકેની મુલાકાત લીધા બાદ બ્લોમે પીઓકેને આઝાદ કાશ્મીર તરીકે સંબોધિત કર્યું. જ્યારે સહુ જાણે છે કે કાશ્મીર ભારતનો ભાગ છે. તેમના આ ટ્વીટથી ખળભળાટ મચી ગયો હતો. ગિલગિટ-બાલ્ટિસ્તાનના વિપક્ષી નેતા કાઝિમ મેસુમે મુલાકાતના ઈરાદા પર સવાલ ઉઠાવ્યા ત્યાં સુધી તેમની છ દિવસની મુલાકાત ગુપ્ત રાખવામાં આવી હતી.


અમેરિકાએ અત્યાર સુધી કાશ્મીર મુદ્દે કોઈનો પક્ષ લીધો નથી. પરંતુ હવે આ મામલે અમેરિકાના વલણને લઈને ચિંતા વધી ગઈ છે. પાકિસ્તાને જમ્મુ-કાશ્મીર મુદ્દે આંતરરાષ્ટ્રીય સમુદાયનું સમર્થન મેળવવા માટે ઘણી વખત પ્રયાસ કર્યા છે. ઘણી વખત તેણે તેને પકડવાનો પ્રયાસ પણ કર્યો હતો. બ્લોમની મુલાકાત સરકાર અને દૂતાવાસ બંને દ્વારા ગુપ્ત રાખવામાં આવી હતી અને તેના વિશે મીડિયાને કોઈ માહિતી આપવામાં આવી ન હતી.

Show More

Related Articles

Leave a Reply

Your email address will not be published. Required fields are marked *

Back to top button
આ નવી જોડી જામશે પડદા પર? What to consume after the morning walk ? Effective Blood Pressure Home Solutions Nita Ambani: Stuns in Printed Saree with Mukesh & Kokilaben Ambani