પહેલા ભારતમાં અભિનેત્રી હતી પણ હવે છે કેનેડાના પીએમની રેસમાં, કોણ છે જાણો?

કેનેડામાં જસ્ટિન ટ્રુડોના રાજીનામા બાદ નવા વડા પ્રધાનની રેસ ચાલી રહી છે ત્યારે આ રેસમાં ભારતીય રૂબી ઢલ્લાનું નામ પણ ચર્ચામાં આવ્યું છે. ભારતીય મૂળનાં ભૂતપૂર્વ કેનેડિયન સાંસદ રૂબી ઢલ્લા લિબરલ પાર્ટીના નેતા છે. તેઓ કેનેડાનાં આગામી વડા પ્રધાન બનવા માટે ચૂંટણી લડી રહ્યાં છે. તેઓ ત્રણ વખત સંસદસભ્ય તરીકે ચૂંટાયા છે. એક સફળ બિઝનેસવુમન અને મોટિવેશનલ સ્પીકર પણ છે. લિબરલ પાર્ટીના નવા નેતાની 9 માર્ચે ચૂંટણી થવાની છે.

Also read : યુદ્ધવિરામની સમજૂતી વચ્ચે હમાસે સાત બંધકોને કર્યાં મુક્ત, ઈઝરાયલે સમર્થન આપ્યું

રૂબી ઢલ્લા છે કોણ?

રૂબી ઢલ્લાનો (RUBY DHALLA) જન્મ 18 ફેબ્રુઆરી, 1974ના રોજ કેનેડાની રાજધાની ઓટ્ટાવાથી 2000 કિલોમીટર દૂર વિનીપેગ શહેરમાં રહેતા પંજાબી પરિવારમાં થયો હતો. 50 વર્ષીય રૂબી ઢલ્લા ઢલ્લા ગ્રુપ ઓફ કંપનીઝના સીઈઓ અને ચેરમેન છે. તેઓ કેનેડાનાં સફળ બિઝનેસવુમન અને સાંસદ પણ રહ્યા છે. તાજેતરમાં રૂબી ઢલ્લાએ એક નિવેદન આપ્યું હતું જો તેઓ ચૂંટાશે તો તે ગેરકાયદે ઇમિગ્રન્ટ્સને દેશમાંથી હાંકી કાઢશે. હકીકતમાં તેમણે ઇમિગ્રેશનને પોતાના ઈલેક્શનના અભિયાનને કેન્દ્રમાં રાખ્યું છે.

કેટલી ડિગ્રી લીધી છે?

રૂબી ઢલ્લાના શિક્ષણ અંગે વાત કરીએ તો તેઓએ કેનેડાની મેકમાસ્ટર યુનિવર્સિટીમાંથી સ્કોલરશિપ પર અભ્યાસ કર્યો છે. ત્યાર બાદ તેઓએ વિનીપેગ યુનિવર્સિટીમાં એડમિશન લીધું અને 1995માં પોલિટિકલ સાયન્સમાં ડિગ્રી મેળવી હતી. રૂબી ઢલ્લા પછી ટોરોન્ટો ગયા, ત્યાં તેઓએ 1999માં કેનેડિયન મેમોરિયલ ચિરોપ્રેક્ટિક કોલેજમાંથી ડોક્ટર ઓફ ચિરોપ્રેક્ટિકની ડિગ્રી મેળવી. રાજકારણમાં આવતા પહેલા રૂબી ઢલ્લાએ શિરોપ્રેક્ટર તરીકે કામ કર્યું. શિરોપ્રેક્ટિક એ હાડકાં, સ્નાયુઓ અને સાંધાની સમસ્યાઓની ટ્રિટમેન્ટની એક પદ્ધતિ છે.

Also read : Washington DC Airplane Crash અંગે ડોનાલ્ડ ટ્રમ્પનું નિવેદન; પોટોમેક નદી પાસે ખાબક્યું પ્લેન

રૂબી ઢલ્લાએ ફિલ્મ જગતમાં પણ કામ કર્યું છે તેમણે બોલીવુડ ફિલ્મ ક્યો, કિસ લિએ?માં કામ કર્યું હતું. વિનોદ તલવાર દ્વારા નિર્દેશિત આ ફિલ્મ 2003માં રિલીઝ થઈ હતી, જેમાં રૂબી ઢલ્લા સાથે જેસન ક્રુટ અને ચિકો સિહરા પણ જોવા મળ્યા હતા. ભારતીય મૂળની રૂબી ઢલ્લા વર્ષ 1993માં ‘મિસ ઈન્ડિયા-કેનેડા કોમ્પિટીશન’માં રનર અપ રહી ચુક્યા છે.