કાઠમંડુ: નેપાળના તાપલેજંગ જિલ્લામાં કેબલ કાર પ્રોજેક્ટનો વિરોધ થઈ રહ્યો છે. પાથીભરા વિસ્તારમાં કેબલ કાર પ્રોજેક્ટનો વિરોધ કરી રહેલા સુરક્ષા દળો અને પ્રદર્શનકારીઓ વચ્ચે હિંસક અથડામણમાં 12 સુરક્ષા કર્મચારીઓ સહિત ઓછામાં ઓછા 24 લોકો ઘાયલ થયા હોવાના અહેવાલ છે. અધિકારીઓએ જણાવ્યું હતું કે ‘નો કેબલ કાર’ નામનું એક જૂથ કેબલ કારના નિર્માણનો વિરોધ કરી રહ્યું છે. વિરોધ કરી રહેલા પ્રદર્શનકારીઓની દલીલ છે કે આ પ્રોજેક્ટને કારણે વિસ્તારની ઐતિહાસિક ઓળખ ભૂંસાઈ જશે.
Also read : Video: હમાસે વધુ 6 ઇઝરાયલી બંધકોને મુક્ત કર્યા; એક બંધકે હમાસના લડવૈયાઓના માથા ચૂમ્યા…
અધિકારીઓએ જણાવ્યું હતું કે પોલીસે હિંસામાં સામેલ 15 આરોપીઓની ધરપકડ કરી છે. તેમણે કહ્યું કે તણાવને કારણે તાપલેજંગ જિલ્લા વહીવટીતંત્રે રવિવાર સવારથી ફૂંગલિંગ બજાર અને પાથીભરા વિસ્તાર સહિત જિલ્લાના ઘણા ભાગોમાં પ્રતિબંધિત આદેશો લાગુ કર્યા છે. પ્રતિબંધિત વિસ્તારોમાં પાંચથી વધુ લોકોને એકસાથે ભેગા થવાની, સભા, સરઘસ, પ્રદર્શન વગેરે જેવી પ્રવૃત્તિઓમાં ભાગ લેવાની મંજૂરી આપવામાં આવશે નહીં.
તાપલેજંગના મુખ્ય જિલ્લા અધિકારી નેત્ર પ્રસાદ શર્માએ જણાવ્યું હતું કે કાયદો અને વ્યવસ્થા જાળવવા માટે પ્રતિબંધિત આદેશો લાદવામાં આવ્યા છે. જ્યારે પરિસ્થિતિ સુધરશે ત્યારે પ્રતિબંધો હટાવવામાં આવશે. નેપાળના સાંસદો પણ આ મુદ્દે અવાજ ઉઠાવી રહ્યા છે.
Also read : ગુજરાતી Kash Patel એ ભગવત ગીતા પર હાથ મૂકીને એફબીઆઈના ડિરેક્ટર તરીકે શપથ લીધા
નીચલા ગૃહમાં રાષ્ટ્રીય પ્રજાતંત્ર પાર્ટીના રાજેન્દ્ર અને રાષ્ટ્રીય સ્વતંત્ર પાર્ટીના તોશિમા કાર્કી સહિત ઘણા વિપક્ષી સાંસદોએ સરકારને આ પ્રોજેક્ટ પર રોક લગાવવાની અપીલ કરી છે. સાંસદોનું કહેવું છે કે સ્થાનિક લોકો કેબલ કાર નિર્માણ પ્રોજેક્ટનો વિરોધ કરી રહ્યા છે, તેથી સરકારે આ પ્રોજેક્ટ તાત્કાલિક બંધ કરવો જોઈએ.
