શ્રીલંકાએ પીએમ મોદીને આપ્યું મિત્ર વિભૂષણ સન્માન, વડા પ્રધાને કર્યો ગુજરાતનો ઉલ્લેખ…

કોલંબોઃ વડા પ્રધાન નરેન્દ્ર મોદીને શ્રીલંકા સરકારે શ્રીલંકા મિત્ર વિભૂષણ સન્માનથી નવાજ્યા હતા. શ્રીલંકાના જે દેશો સાથે સંબંધ સારા હોય તે દેશના વડાના આ સન્માન આપવામાં આવે છે. ભારતના શ્રીલંકા સાથે સારા સંબંધ છે. પીએમ મોદીને વિદેશ દ્વારા એનાયત થયેલો આ 22મો પુરસ્કાર છે.

140 કરોડ ભારતીયોનું સન્માન

જે બાદ પીએમ મોદી અને શ્રીલંકાના રાષ્ટ્ર પ્રમુખ અનુરા દિસાનાયકે સંયુક્ત પ્રેસ કોન્ફરન્સને સંબોધન કર્યું. તેમણે કહ્યું, આજે રાષ્ટ્રતિ દિસાનાયકે દ્વારા શ્રીલંકા મિત્ર વિભૂષણથી સન્માનિત કર્યા તે ગૌરવની વાત છે. આ માત્ર ભારતનું જ નહીં પરંતુ 140 કરોડ ભારતીયોનું સન્માન છે. ભારત અને શ્રીલંકા વચ્ચે ઐતિહાસિક સંબંધો અને ગાઢ મિત્રતાનું સન્માન છે. ભારતે શ્રીલંકા સાથે મુશ્કેલ પરિસ્થિતિમાં પણ ઉભું છે.

શ્રીલંકાના રાષ્ટ્રપ્રમુખ અનુરા કુમાર દિસાનાયકે કહ્યું, ભારત અને શ્રીલંકા વચ્ચે ખૂબ ઊંડો સંબંધ છે. બંને દેશો વચ્ચે ઐતિહાસિક, ધાર્મિક અને સાંસ્કૃતિક સંબંધ છે અને લાંબા સમયથી આ સંબંધ ચાલ્યો આવે છે. અમારા સંબંધો પરસ્પર સન્માન મૂલ્યો અને સમાન હિતો પર આધારિત છે.

ગુજરાતનો કર્યો ઉલ્લેખ

પીએમ મોદીએ કહ્યું કે ભારત અને શ્રીલંકા વચ્ચે સદીઓ જૂના આધ્યાત્મિક અને સ્નેહપૂર્ણ સંબંધો છે. મને તમને જણાવતા આનંદ થાય છે કે 1960માં ગુજરાતના અરવલ્લીમાં મળેલા ભગવાન બુદ્ધના અવશેષોને જાહેર દર્શન માટે શ્રીલંકા મોકલવામાં આવી રહ્યા છે. ભારત ત્રિંકોમાલીમાં તિરુકોણેશ્વરમ મંદિરના જીર્ણોદ્ધારમાં મદદ કરશે. ભારત અને શ્રીલંકા વચ્ચેના સંબંધો પરસ્પર વિશ્વાસ અને સદ્ભાવના પર આધારિત છે.

પીએમ મોદીને મળેલા વિદેશી સન્માન

ગત મહિને મોરેશિયસના વડા પ્રધાન નવીનચંદ્ર રામગુલામે ભારતના વડા પ્રધાન નરેન્દ્ર મોદીને પોતાના દેશનો સર્વોચ્ચ નાગરિક પુસ્કાર ‘ધ ગ્રાન્ડ કમાન્ડર ઓફ ધ ઓર્ડર ઓફ સ્ટાર એન્ડ કી ઓફ ઈન્ડિયન ઓશન’થી સન્માનિત કર્યાં હતા. નરેન્દ્ર મોદી મોરેશિયસનું સર્વોચ્ચ સન્માન મેળવનાર પાંચમા વિદેશી નાગરિક હતા.
ડિસેમ્બર 2024 માં વડા પ્રધાન નરેન્દ્ર મોદીને કુવૈતે પોતાના સર્વોચ્ચ સન્માન ઓર્ડર ઓફ મુબારક અલ-કબીરથી સન્માન કર્યું હતું.
નવેમ્બર 2024માં નાઇજીરીયાએ બીજા સર્વોચ્ચ સન્માન ‘ગ્રાન્ડ કમાન્ડર ઓફ ધ ઓર્ડર ઓફ ધ નાઇજર’ થી નરેન્દ્ર મોદીને સન્માનિત કર્યાં હતાં.
ડોમિનિકાએ પણ 2024માં વડાપ્રધાન મોદીને તેમના સર્વોચ્ચ સન્માન ડોમિનિકા એવોર્ડ ઓફ ઓનરથી સન્માનિત કર્યા હતાં
નવેમ્બર 2024 માં જ પીએમ મોદીને ગુયાનાના સર્વોચ્ચ સન્માન ‘ઓર્ડર ઓફ એક્સેલન્સ’ થી નવાજવામાં આવ્યા હતા. આ સન્માન પીએમ મોદીને મહામારી દરમિયાન તેમના યોગદાન અને કેરેબિયન દેશો સાથેના સંબંધોને પ્રોત્સાહન આપવાના તેમના નેતૃત્વ માટે આપવામાં આવ્યું હતું.
નવેમ્બર 2024 માં બાર્બાડોસે માનદ ઓર્ડર ઓફ ફ્રીડમથી પીએમ મોદીનું સન્માન કર્યું હતું
9 જુલાઈ 2024 ના રોજ રશિયાએ પીએમ મોદીને ઓર્ડર ઓફ સેન્ટ એન્ડ્રુ એવોર્ડથી સન્માનિત કર્યા હતાં
24 માર્ચ 2024માં ભૂટાને પોતાનો સર્વોચ્ચ નાગરિક સન્માન ઓર્ડર ઓફ ધ ડ્રેગન કિંગ પ્રધાનમંત્રી નરેન્દ્ર મોદીને એનાયત કર્યો હતો.
25 ઓગસ્ટ, 2023માં ગ્રીસે પ્રધાનમંત્રી મોદીને ગ્રાન્ડ ક્રોસ ઓર્ડર ઓફ ઓનરથી સન્માનિત કર્યા હતાં
14 જુલાઈ, 2023ના રોજ ફ્રાન્સે પીએમ મોદીને લીજન ઓફ ઓનરથી સન્માનિત કર્યા હતાં
ઇજિપ્તમાં 25 જૂન, 2023માં પીએમ મોદીને ઓર્ડર ઓફ ધ નાઇલ સન્માનથી સન્માનિત કરવામાં આવ્યા હતાં.
પાપુઆ ન્યૂ ગિની દ્વારા 22 મે 2023માં પીએમ મોદીને કમ્પેનિયન ઓફ ધ ઓર્ડર ઓફ ધ પીપલથી પણ સન્માનિત કરવામાં આવ્યા હતાં.
ફિજીએ 22 મે 2023 ના રોજ પીએમ નરેન્દ્ર મોદીને સર્વોચ્ચ નાગરિક સન્માન, કમ્પેનિયન ઓફ ધ ઓર્ડર ઓફ ફીજી એનાયત કર્યું હતું
2023 માં, પીએમ મોદીને પલાઉનો અબાકલ એવોર્ડ એનાયત કરવામાં આવ્યો હતો.
અમેરિકાએ 21 ડિસેમ્બર, 2020 ના રોજ પીએમ મોદીને લીજન ઓફ મેરિટ એવોર્ડથી સન્માનિત કર્યા હતાં
બહેરીન દ્વારા 24 ઓગસ્ટ 2019 ના રોજ પીએમ મોદીને કિંગ હમાદ ઓર્ડર ઓફ ધ રેનેસાંથી સન્માનિત કરવામાં આવ્યા હતાં.
UAE દ્વારા 24 ઓગસ્ટ 2019માં પીએમ મોદીને ઓર્ડર ઓફ ઝાયેદ એવોર્ડથી સન્માનિત કરવામાં આવ્યા હતાં.
માલદીવે પણ 8 જૂન 2019માં વડા પ્રધાન મોદીને ઓર્ડર ઓફ ઇઝ્ઝુદ્દીનથી સન્માનિત કર્યા હતાં
10 ફેબ્રુઆરી 2018માં પીએમ મોદીને ગ્રાન્ડ કોલર ઓફ ધ સ્ટેટ ઓફ પેલેસ્ટાઇન એવોર્ડથી સન્માનિત કરવામાં આવ્યા હતાં.
અફઘાનિસ્તાન દ્વારા 04, જૂન 2016માં પીએમ મોદીને સ્ટેટ ઓર્ડર ઓફ ગાઝી અમર અમાનુલ્લાહ ખાન એવોર્ડથી સન્માનિત કરવામાં આવ્યા હતાં.
સાઉદી અરેબિયા દ્વારા 03 એપ્રિલ, 2016માં પીએમ મોદીને ઓર્ડર ઓફ અબ્દુલ અઝીઝ અલ સઉદથી નવાજવામાં આવ્યા હતાં.

આપણ વાંચો: BIMSTEC સમિટમાં ભાગ લેવા પહોંચેલા PM Modiએ મ્યાનમારને મદદ કરવાનું આપ્યું આશ્વાસન