PAK Election: ચૂંટણી પરિણામોના દિવસોના દિવસો વીતી ગયા છતાં 'સરકાર' ના નેઠાં નહીં, શું માર્શલ લો લાગશે? | મુંબઈ સમાચાર

PAK Election: ચૂંટણી પરિણામોના દિવસોના દિવસો વીતી ગયા છતાં ‘સરકાર’ ના નેઠાં નહીં, શું માર્શલ લો લાગશે?

પાકિસ્તાનમાં ચૂંટણી (PAK Election 2024) પૂરી થઈ ગઈ છે પરંતુ હજુ સુધી સરકાર બની નથી. ચૂંટણી દરમિયાન ગોટાળા અને અપ્રમાણિકતાના કારણે વિરોધ પ્રદર્શનો ચાલુ છે. બીજી તરફ પૂર્વ PM ઈમરાન ખાનના (PM Imran Khan) સમર્થકોએ ચૂંટણી પંચ પર ગંભીર આરોપ લગાવ્યા છે. ત્રિશંકુ પરિણામો અને અસ્થિરતાને કારણે સવાલો ઉઠી રહ્યા છે કે શું પાકિસ્તાનમાં ફરી એકવાર માર્શલ લૉ લાદી શકાય છે અને શું આ સમગ્ર રમત પાછળ પાકિસ્તાની સેનાનું કોઈ ષડયંત્ર છે.

પાકિસ્તાનમાં એક રાજકીય પક્ષ પહેલેથી જ આંતરરાષ્ટ્રીય સમુદાય પાસે હસ્તક્ષેપની માંગ કરી રહ્યો છે. મીડિયા સામે એવા પુરાવા બતાવવામાં આવી રહ્યા છે જે 1971ના માર્શલ લોની યાદ અપાવે છે. પાકિસ્તાની સેના પર ઈમરાન ખાનને હેરાન કરવાનો પ્રયાસ કરવાનો આરોપ લગાવવામાં આવી રહ્યો છે. જ્યારે અહેમદ ભટ્ટી નામના ઈમરાન ખાન તરફી સાંસદે તેમની વાત ન સાંભળી ત્યારે તેમની સાથે વિવાદાસ્પદ વર્તન કરવામાં આવ્યું.

તોશાખાના કેસમાં બુશરા બીબીને દોષિત ઠેરવવામાં આવી હતી. જેલમાં ઈમરાનની પત્નીને ઝેર આપવાનો પ્રયાસ થઈ રહ્યો છે. આ આરોપોએ સેના પર પણ સવાલો ઉભા કર્યા છે. આ કારણે બુશરા બીબીએ 6 દિવસથી ભોજન લીધું નથી. ઈમરાન ખાનને નજીકથી ઓળખનાર અન્ય એક વ્યક્તિનું કહેવું છે કે તે સેના પર દબાણ લાવવા માટે આવા પગલા લેતા રહે છે. આવી સ્થિતિમાં બુશરા બીબી કોઈ નવું પ્લાનિંગ કરે તેવી શક્યતા છે.

પાકિસ્તાનમાં, સેના અગાઉ પણ આવી જ રીતે તેના વિરોધીઓના નજીકના સંબંધીઓને સાઇડલાઇન કરતી હતી. આવું જ કંઇક 1976માં મોહમ્મદ અલી ઝીણાની બહેન ફાતિમા ઝીણા સાથે કરવામાં આવ્યું હતું. આવી સ્થિતિમાં એવા સવાલો પણ ઉઠી રહ્યા છે કે શું બુશરા બીબી આ કારણોસર પાકિસ્તાની સેના પર ગંભીર આરોપો લગાવી રહી છે?

સંબંધિત લેખો

Back to top button