તેલ અવીવ : ઇરાનના પરમાણુ સ્થળો પર અમેરિકાના હુમલા બાદ હવે ઇરાન અને ઇઝરાયલ વચ્ચેનું યુદ્ધ વધુ આક્રમક બની રહ્યું છે. જેમાં આક્રોશિત ઈરાને ઈઝરાયલ પર શ્રેણીબદ્ધ મિસાઈલ હુમલા શરૂ કર્યા છે. ઈઝરાયલી સુરક્ષા દળોએ ખુદ ટ્વીટ કરીને ઈરાનના મિસાઈલ હુમલાઓ વિશે માહિતી આપી છે. ઈઝરાયલના વિવિધ શહેરોમાં ઘાતક ઈરાની મિસાઈલો તબાહી મચાવી રહી છે. ઈઝરાયલના વિવિધ શહેરોમાં હવાઈ હુમલાના સાયરન વાગી રહ્યા છે.
ઈરાનની મિસાઈલોથી ઈઝરાયલમાં તબાહી
ઈરાનના વળતા હુમલાથી ઈઝરાયલમાં ભારે તબાહી મચાવી રહી છે. ઈઝરાયલની સેના ઈરાની મિસાઈલોને અટકાવવાનો પ્રયાસ કરી રહી છે. આમ છતાં, ઘણી ઈરાની મિસાઈલો લક્ષ્યને સચોટ રીતે હિટ કરી રહી છે. ઈઝરાયલના હાઈફા અને તેલ અવીવ પર ઘાતક હુમલાઓ થઈ રહ્યા છે.
અમેરિકાના હુમલાના જવાબમાં આ હુમલો
ઈરાની ઘણી મિસાઈલો તેલ અવીવમાં પડી છે. ઈરાને તેના 3 પરમાણુ સ્થળો પર અમેરિકાના હુમલાના જવાબમાં આ હુમલો કર્યો છે. ઈરાની બદલાના ઘણા વીડિયો પ્રકાશમાં આવી રહ્યા છે. જેમાં મિસાઈલ હુમલા પછી બેઝમાંથી ઉંચો ધુમાડો અને આગની લાંબી જ્વાળાઓ નીકળતી જોઈ શકાય છે.
તેલ અવીવમાં ખંડેર હાલતમાં ઈમારત
ઈરાનના પ્રેસ ટીવીએ તેલ અવીવ પર તેહરાનના મિસાઈલ હુમલાની એક તસવીર જાહેર કરી છે. જેમાં એક ઈમારત સંપૂર્ણપણે ખંડેરમાં ફેરવાઈ ગઈ છે.
