યુએનએસસીની બેઠકમાં ઈરાન અમેરિકા અને ઈઝરાયેલ પર ભડક્યું, અન્ય દેશોએ પણ આપી પ્રતિક્રિયા

ન્યુયોર્ક : ઇરાન અને ઈઝરાયેલ વચ્ચે ચાલી રહેલા યુદ્ધમાં અમેરિકાએ ઇરાનના પરમાણુ સ્થળો પર હુમલો કરતાં સ્થિતિ વધુ વિકટ બની છે. તેમજ અમેરિકાએ હવે ઇરાનને શાંતિ જાળવવા અને વળતાં હુમલા ન કરવાની ચેતવણી આપી છે. આ દરમિયાન વધતાં તણાવ વચ્ચે યુનાઇટેડ નેશન્સ સિકયુરીટી કાઉન્સિલની ઇમરજન્સી બેઠક મળી હતી. જેમાં ઈરાન અમેરિકા ને ઈઝરાયલ પર ભડક્યું હતું અને કહ્યું હતું કે ખોટા બહાના હેઠળ હુમલા કરવામાં આવ્યા છે.

જેમાં મળતી માહિતી મુજબ યુએનએસસી બેઠકમાં ઈરાને અમેરિકા પર ખોટા બહાના હેઠળ યુદ્ધ કરવાનો આરોપ લગાવ્યો. ઈરાની પ્રતિનિધિએ ઈઝરાયલી વડા પ્રધાન બેન્જામિન નેતન્યાહૂ પર અમેરિકાને બીજા ખર્ચાળ પાયાવિહોણા યુદ્ધ માં ખેંચવાનો આરોપ લગાવ્યો. તેમણે ઉમેર્યું કે ઈઝરાયલે ઈરાન પરમાણુ શસ્ત્રો મેળવવાની આરે છે તેવી અફવા ફેલાવી છે.

ચીન યુએસ હુમલાઓની નિંદા કરી

ચીનના રાજદૂત ફુ કાંગે યુએનએસસી બેઠકમાં જણાવ્યું હતું કે બેઇજિંગ યુએસ હુમલાઓની સખત નિંદા કરે છે. “અમે તાત્કાલિક યુદ્ધવિરામની માંગ કરીએ છીએ, ચીન પરિસ્થિતિ નિયંત્રણ બહાર જવાના જોખમ અંગે ખૂબ ચિંતિત છે,” તેમણે ઉમેર્યું.

અમેરિકાના હવાઈ હુમલા પર પાકિસ્તાનની પ્રતિક્રિયા

સંયુક્ત રાષ્ટ્રમાં પાકિસ્તાનના રાજદૂત અસીમ ઇફ્તિખાર અહેમદે કહ્યું કે પાકિસ્તાને ઈરાની પરમાણુ સ્થળો પર અમેરિકાના હુમલાની નિંદા કરી છે. આ પડકારજનક સમયમાં પાકિસ્તાન ઈરાનની સરકાર અને ભાઈચારાના લોકો સાથે એકતામાં ઉભું છે.

યુએસએ પેન્ડોરા બોક્સ ખોલ્યું : રશિયા

રશિયાએ યુએનએસસીમાં કહ્યું કે અમેરિકાએ પેન્ડોરા બોક્સ ખોલ્યું છે અને કોઈને ખબર નથી કે તે કઈ નવી આફતો લાવશે. તેમણે કહ્યું કે રશિયાએ અમેરિકાને મધ્યસ્થી કરવાની ઓફર કરી છે. પરંતુ યુએસ નેતાઓને વાતચીતમાં બિલકુલ રસ નથી.

આ પણ વાંચો…3 ઠેકાણા, 7 બોમ્બર્સ અને 25 મિનિટઃ ઈરાન સામેના અમેરિકાના ઓપરેશનનું સિક્રેટ જાણો