ઇરાન ઇઝરાયલ યુદ્ધવિરામ વચ્ચે ફરી ઇઝરાયલમાં સાયરન વાગી, ઈઝરાયેલે કર્યો ઇરાન પર હુમલાનો દાવો…
તેલ અવીવ : અમેરિકાના રાષ્ટ્રપતિ ડોનાલ્ડ ટ્રમ્પની ઈરાન ઇઝરાયલ વચ્ચે યુદ્ધવવિરામની જાહેરાત બાદ પણ ઇરાને ફરી ઈઝરાયલ પર હુમલો કર્યો છે. આ અંગે ઈઝરાયેલ દાવો કર્યો છે કે ઈરાન દ્વારા છોડવામાં આવેલા મિસાઈલોને કારણે ઉત્તરી ઈઝરાયલમાં સાયરન વાગી રહ્યા છે. તેમજ ઈઝરાયલ સંરક્ષણ દળોએ આ અંગે ટ્વીટ પણ કર્યું છે.
નેતન્યાહુએ કહ્યું કે યુદ્ધવિરામનો ભંગ થશે તો જવાબ અપાશે
ત્યારે ઇઝરાયલના પીએમ નેતન્યાહુએ કહ્યું કે, જો યુદ્ધવિરામનો ભંગ થશે તો જવાબ આપવામાં આવશે. ઇઝરાયલ યુદ્ધવિરામના કોઈપણ ઉલ્લંઘનનો સખત જવાબ આપશે. જ્યારે ઇઝરાયલે યુદ્ધવિરામ પછી પોતાનું હવાઈ ક્ષેત્ર ખોલ્યું છે.
જ્યારે ઈરાન દ્વારા કરવામાં હુમલા બાદ ઇઝરાયલના લેફ્ટનન્ટ જનરલ એયાલ ઝમીરે પરિસ્થિતિનું મૂલ્યાંકન કરતી વખતે જણાવ્યું હતું અમે તેનો પૂરી ક્ષમતા સાથે જવાબ આપીશું
ઈઝરાયલી હુમલામાં પરમાણુ વૈજ્ઞાનિકનું મોત
જ્યારે બીજી તરફ ઈરાની મીડિયાએ અહેવાલ આપ્યો છે કે યુદ્ધવિરામ પહેલા ઈઝરાયલી હુમલામાં પરમાણુ વૈજ્ઞાનિકનું મોત થયું છે. ઇરાન મીડિયાએ અહેવાલ આપ્યો છે કે યુદ્ધવિરામ અમલમાં આવ્યાના થોડા સમય પહેલા જ ઈઝરાયલી હુમલામાં પરમાણુ વૈજ્ઞાનિક મોહમ્મદરેઝા સેદીકીનું મોત થયું હતું.
યુદ્ધવિરામની જાહેરાતને ઇરાને નકારી કાઢી
જોકે, બીજી તરફ ડોનાલ્ડ ટ્રમ્પની યુદ્ધવિરામની જાહેરાતને ઇરાને નકારી કાઢી હતી. તેમજ કહ્યું હતું કે કોઈપણ યુદ્ધવિરામ અથવા લશ્કરી કાર્યવાહી બંધ કરવા પર કોઈ કરાર થયો નથી. જોકે, ઈરાનના વિદેશ પ્રધાન અબ્બાસ અરાઘચીએ કહ્યું હતું કે જો ઈઝરાયલ હુમલો બંધ કરશે તેમને આ યુદ્ધ ચાલુ રાખવામાં કોઈ રસ નથી.
આપણ વાંચો : ઇરાન ઈઝરાયલ યુદ્ધને રોકવા ડોનાલ્ડ ટ્રમ્પની યુદ્ધવિરામની જાહેરાત
