Germany માં બોક્સર નિમાની મર્ડર કેસની સુનાવણી દરમ્યાન કોર્ટ બહાર ફાયરિંગ, ત્રણ લોકો ઘાયલ
બીલેફેલ્ડ : જર્મનીના(Germany)બીલેફેલ્ડ શહેરમાં કોર્ટની બહાર ફાયરિંગના સમાચાર પ્રકાશમાં આવ્યા છે. જેમાં પ્રોફેશનલ બોક્સર બેસર નિમાનીની હત્યાના આરોપી હુસૈન અક્કુરતના કેસની સુનાવણી દરમિયાન કોર્ટની બહાર ગોળીબાર થયો હતો. આ ગોળીબાર સ્થાનિક સમય મુજબ બપોરે 1.30 વાગ્યે કોર્ટના એક્ઝિટ ગેટથી 150 મીટર દૂર થયો હતો. સ્થાનિક સમાચાર એજન્સીના અહેવાલ મુજબ હુમલામાં ત્રણ લોકો ઘાયલ થયા છે.
હેલિકોપ્ટરમાં સમગ્ર વિસ્તારમાં સર્ચ કર્યું
જયારે ગોળીબાર બાદ સુરક્ષા કર્મચારીઓએ અત્યાર સુધીમાં એક શંકાસ્પદની ધરપકડ કરી છે જ્યારે બીજો આરોપી નજીકની ઇમારતમાં છુપાયેલો છે. પોલીસ હેલિકોપ્ટરમાં સમગ્ર વિસ્તારમાં સર્ચ કરીને શંકાસ્પદ વ્યક્તિની શોધ કરી રહી છે. હુસેન અક્કુરતની ટ્રાયલ આ વર્ષે જાન્યુઆરીના અંતમાં શરૂ થઈ હતી અને કેસમાં સામેલ દરેક વ્યક્તિની સલામતી સુનિશ્ચિત કરવા માટે કડક સુરક્ષા પગલાં લેવામાં આવ્યા હતા. આ હુમલા પછી કોર્ટમાં પ્રવેશતા દરેક વ્યક્તિની સંપૂર્ણ તપાસ કરવામાં આવી હતી.
હત્યામાં અંડરવર્લ્ડનો હાથ
ઉલ્લેખનીય છે કે, વ્યાવસાયિક બોક્સર બેસર નિમાની પર ગોળીબાર કરવાના આરોપી 38 વર્ષીય હુસેન અક્કુરતની ટ્રાયલ આજે સવારે શરૂ થઈ. બેલ્જિયમ પોલીસની મદદથી જુલાઈ 2024 માં બ્રસેલ્સથી તેની ધરપકડ કરવામાં આવી હતી. આ કેસમાં બીજો શંકાસ્પદ આરોપી અયમાન દાઉદ કિરીટ હજુ પણ ફરાર છે. માર્ચ 2023 માં બોક્સર બેસર નિમાનીની હત્યા કરવામાં આવી હતી. એવું કહેવામાં આવી રહ્યું છે કે તેની હત્યામાં અંડરવર્લ્ડનો હાથ છે.
બોક્સર બશીર નિમાનીએ 27 માંથી 26 મેચ જીતી
વર્ષ 19997માં કોસોવો યુદ્ધ દરમિયાન બોક્સર બેસર નિમાનીએ જર્મનીમાં આશરો લીધો હતો. તેમની બોક્સિંગ કારકિર્દી શાનદાર રહી છે. તેમણે પોતાની કારકિર્દીમાં 27 માંથી 26 મેચ જીતી અને 2019 માં વ્યાવસાયિક બોક્સિંગમાંથી નિવૃત્તિ લીધી. બસેર નિમાનીએ IBF યુરોપિયન સુપર વેલ્ટરવેઇટ ટાઇટલ અને બે રાષ્ટ્રીય ટાઇટલ જીત્યા.
