અફઘાનિસ્તાનમાં વહેલી સવારે અનુભવાયો ભૂકંપનો આંચકો, જાનમાલનું કોઇ નુકસાન નહિ

નવી દિલ્હી : વિશ્વના અનેક દેશોમાં લાંબા સમયથી ભૂકંપના આંચકા અનુભવાય રહ્યા છે. ત્યારે હવે અફઘાનિસ્તાનમાં ભૂકંપના આંચકા અનુભવાયા. રવિવારે સવારે ભારતીય સમય મુજબ 6.33 વાગ્યે અફઘાનિસ્તાનમાં 4.2 ની તીવ્રતાનો ભૂકંપ આવ્યો છે. આ ભૂકંપનું કેન્દ્રબિંદુ 36.26 ઉત્તર અક્ષાંશ અને 69.74 પૂર્વ રેખાંશ પર 135 કિલોમીટર જમીનની અંદર હતું.

નેપાળમાં ગુરુવારે ભૂકંપના બે આંચકા અનુભવાયા

આ પૂર્વે ગુરુવારે મોડી રાત્રે પશ્ચિમ નેપાળમાં બે ઓછી તીવ્રતાના ભૂકંપના આંચકા અનુભવાયા હતા. ભૂકંપ દેખરેખ કેન્દ્ર અનુસાર સ્થાનિક સમય મુજબ સવારે 1.48 વાગ્યે 5.1 ની તીવ્રતાનો ભૂકંપ આવ્યો. જેનું કેન્દ્ર બૈતાડી જિલ્લાના ખલંગામાં હતું. ભૂકંપ પછી સ્થાનિક સમય મુજબ સવારે 2 વાગ્યે 3.7 ની તીવ્રતાનો બીજો ભૂકંપ નોંધાયો હતો.

આપણ વાંચો:  બાંગ્લાદેશમાં રાજકીય સંકટ ઘેરાયું, મુહમ્મદ યુનુસે સલાહકાર પરિષદની આકસ્મિક બેઠક બોલાવી

નેપાળમાં 4.7 ની તીવ્રતાનો ભૂકંપ આવ્યો

આ ઉપરાંત મંગળવારે બપોરે પશ્ચિમ નેપાળના કાસ્કી જિલ્લામાં 4.7 ની તીવ્રતાનો ભૂકંપ અનુભવાયો હતો. રાષ્ટ્રીય ભૂકંપ દેખરેખ અને સંશોધન કેન્દ્ર અનુસાર, ભૂકંપનું કેન્દ્ર કાઠમંડુથી લગભગ 250 કિમી દૂર કાસ્કી જિલ્લાના સિનુવા વિસ્તારમાં હતું અને તે બપોરે 1.59 વાગ્યે આવ્યો હતો. ભૂકંપના આંચકા પડોશી જિલ્લાઓ તનાહુ, પરબત અને બાગલંગમાં પણ અનુભવાયા હતા. આ પહેલા 14 મેના રોજ પૂર્વી નેપાળના સોલુખુમ્બુ જિલ્લાના છેસકામ વિસ્તારમાં 4.6 ની તીવ્રતાનો ભૂકંપ આવ્યો હતો.