કાબુલઃ છેલ્લા ઘણા સમયથી કુદરતી આફતો, આર્થિક ખુવારી અને તાલિબાની શાસનનો માર ઝેલી રહેલા અફઘાનિસ્તાનની મુસીબતો ઓછી થતી નથી. ફરી પાછા અફઘાનિસ્તાનમાં ભૂકંપના આંચકા અનુભવાયા છે. ભૂકંપની તીવ્રતા રિક્ટર સ્કેલ પર 4.3 માપવામાં આવી હતી. ગુરુવારે સવારે 1.9 કલાકે ભૂકંપના આંચકા નોંધાયા હતા. આ પહેલા ઓક્ટોબરની શરૂઆતમાં અફઘાનિસ્તાનમાં ભૂકંપના કારણે ચાર હજારથી વધુ લોકો માર્યા ગયા હતા અને હજારો મકાનો જમીનદોસ્ત થઈ ગયા હતા.
પૃથ્વીની ઉપરની સપાટી સાત ટેક્ટોનિક પ્લેટોથી બનેલી છે. જ્યારે આ પ્લેટો એકબીજા સાથે અથડાય છે ત્યારે ભૂકંપનો ભય રહે છે. જ્યારે આ પ્લેટો એકબીજાના પ્રદેશમાં પ્રવેશવાનો પ્રયાસ કરે છે ત્યારે ભૂકંપ આવે છે. જ્યારે આ પ્લેટો એકબીજા સાથે અથડાય છે કે ઘસાય છે અથવા જ્યારે તેઓ એકબીજા પર ચઢે છે અથવા તેમની પાસેથી દૂર જાય છે, ત્યારે જમીન ધ્રુજવા લાગે છે. આને ભૂકંપ કહેવાય છે. ભૂકંપ માપવા માટે રિક્ટર સ્કેલનો ઉપયોગ થાય છે. જેને રિક્ટર મેગ્નિટ્યુડ સ્કેલ કહેવામાં આવે છે.
રિક્ટર મેગ્નિટ્યુડ સ્કેલ 1 થી 9 સુધીનો છે. ભૂકંપની તીવ્રતા તેના કેન્દ્ર એટલે કે એપી સેન્ટર પરથી માપવામાં આવે છે. એટલે કે તે કેન્દ્રમાંથી નીકળતી ઉર્જા આ સ્કેલ પર માપવામાં આવે છે. 1 એટલે ઓછી તીવ્રતાની ઊર્જા બહાર આવી રહી છે. 9 એટલે સર્વોચ્ચ. ખૂબ જ ભયાનક અને વિનાશક તીવ્રતાવાળા તરંગ બહાર આવી રહ્યા છે. આ તરંગો દૂર જતાં નબળા બનતા જાય છે. જો રિક્ટર સ્કેલ પર તીવ્રતા 7 હોય, તો તેની આસપાસ 40 કિલોમીટરની ત્રિજ્યામાં જોરદાર આંચકો આવે છે.
