તિયાનમેન : ચીને આજે તિયાનમેનમાં અત્યાર સુધીની સૌથી મોટી સૈન્ય પરેડનું આયોજન કર્યું હતું. જેની બાદ ચીનના રાષ્ટ્રપતિ શી જિનપિંગે સંબોધનના અમેરિકાને સીધો સંદેશ આપી દીધો છે. તેમણે કહ્યું કે ચીન કોઈના દબાણમાં નથી આવતું અને ના કોઈ થી ડરે છે. ચીનના ઉદયને કોઈ નહી રોકી શકે. આ સમયે મંચ પર રશિયાના રાષ્ટ્રપતિ પુતિન અને ઉત્તર કોરિયાના નેતા કિમ જોંગ ઉન હાજર હતા.
વિશ્વ આજે અનેક સમસ્યાઓથી ગ્રસ્ત
તિયાનમેન સ્ક્વેરમાં 50,000 થી વધુ લોકોને સંબોધિત કરતા શી જિનપિંગે ચેતવણી આપી હતી કે, આજે વિશ્વ શાંતિ અથવા યુદ્ધ, વાતચીત કે ટકરાવ અને સંયુક્ત જીત કે જીરો સમ ગેમ વચ્ચે પસંદગીના વળાંક પર ઉભી છે. જીરો સમ ગેમનો મતબલ છે કે એક પક્ષને જેટલો ફાયદો થાય છે તેટલું જ નુકશાન બીજા પક્ષને થાય છે. તેમણે કહ્યું કે ચીનના લોકો ઈતિહાસના સત્યના પક્ષના ઉભા છે.
આધુનિક લશ્કરી ક્ષમતાઓનું પ્રદર્શન કર્યું
ચીનની પીપલ્સ લિબરેશન આર્મીએ પરેડમાં તેની આધુનિક લશ્કરી ક્ષમતાઓનું પ્રદર્શન કર્યું હતું. જેમાં ડ્રોન, હાઇપરસોનિક મિસાઇલ અને ફાઇટર જેટ સામેલ હતા. તેમજ PLA વિમાનો પણ આ પરેડનો હિસ્સો બન્યા હતા. 45 લશ્કરી ટુકડીઓ તિયાનમેન સ્ક્વેર પર ઉતરી અને રાષ્ટ્રપતિ શી જિનપિંગને સલામી આપી હતી. આ પરેડ લગભગ 70 મિનિટ સુધી ચાલી હતી.
આ પણ વાંચો…ચીનનું શકિત પ્રદર્શન, સૈન્ય પરેડમાં અમેરિકા વિરોધી દેશોનો જમાવડો
