European Election: યુરોપિયન પાર્લામેન્ટ માટે 20 દેશમાં મતદાન, 720 મેમ્બર મેદાનમાં
બ્રસેલ્સ: યુરોપિયન સંસદની પાંચ વર્ષની મુદત માટે યુરોપિયન યુનિયન (ઇયુ)ના 20 દેશોમાં રવિવારે મતદાન (Eurpoean Election) શરૂ થયું હતુ. યુરોપિયન સંસદના 720 સભ્યને ચૂંટવા માટે નાગરિકો મતદાન કરશે. ગૃહમાં બેઠકોની ફાળવણી વસ્તીના આધારે કરવામાં આવે છે. માલ્ટા અને લક્ઝમબર્ગમાં ગૃહમાં સૌથી ઓછી છ બેઠકો છે અને જર્મનીમાં સૌથી વધુ 96 બેઠકો છે. ઇયુના 27 દેશોમાં મતદાન પ્રક્રિયા પૂર્ણ ન થાય ત્યાં સુધી દર પાંચ વર્ષે યોજાતી ચૂંટણીના સત્તાવાર પરિણામો પ્રકાશિત કરી શકાતા નથી.
યુક્રેનમાં યુદ્ધ, સ્થળાંતર અને ખેડૂતો પર આબોહવા નીતિની અસર એવા મુદ્દાઓ છે જે મતદાતાઓના મનમાં છે. સર્વેક્ષણો પરથી જાણવા મળ્યું છે કે મુખ્યપ્રવાહના અને યુરોપ તરફી પક્ષો સંસદમાં તેમની બહુમતી જાળવી રાખશે, પરંતુ નેધરલેન્ડના ગીર્ટ વાઇલ્ડર્સ અને ફ્રાન્સની મરીન લે પેન જેવા રાજકારણીઓના નેતૃત્વ ધરાવતી પાર્ટીઓ સહિત કટ્ટર દક્ષિણપંથી પક્ષો તેમની બેઠકોનો હિસ્સો લઇ જશે. જેનાથી યુરોપ માટે કાયદો પસાર કરવા અને નિર્ણયો લેવાનું મુશ્કેલ બનાવશે.
યુરોપિયન યુનિયનના સાંસદો નાણાકીય નિયમોથી લઈને આબોહવા અને કૃષિ નીતિના મુદ્દાઓમાં અભિપ્રાય ધરાવે છે. તેઓ ઇયુ બજેટને મંજૂર કરે છે, જે ઇન્ફ્રાસ્ટ્રક્ચર પ્રોજેક્ટ્સ, ફાર્મ સબસિડી અને યુક્રેનને આપવામાં આવતી સહાય સહિતની પ્રાથમિકતાઓને પોષે છે. તેઓ શક્તિશાળી ઇયુ કમિશનની નિમણૂક પર વીટો ધરાવે છે.
આ ચૂંટણી લગભગ 450 મિલિયન લોકોના સમૂહમાં મતદારોના વિશ્વાસ માટે એક પરીક્ષાની ઘડી છે. છેલ્લા પાંચ વર્ષોમાં યુરોપિયન યુનિયન કોરોના મહામારી, આર્થિક મંદી અને બીજા વિશ્વ યુદ્ધ પછી યુરોપમાં સૌથી મોટા જમીન સંઘર્ષને કારણે ઉર્જા સંકટથી હચમચી ગયું છે. પરંતુ રાજકીય પ્રચાર વ્યાપક યુરોપિયન હિતોને બદલે વ્યક્તિગત દેશોમાં ચિંતાના મુદ્દાઓ પર ધ્યાન કેન્દ્રિત કરે છે. રવિવારનું મતદાન મેરેથોન ચાર દિવસીય ચૂંટણી ચક્રને સમાપ્ત કરે છે જે ગુરુવારે નેધરલેન્ડ્સમાં શરૂ થયું હતું.
ત્યાંના બિનસત્તાવાર એક્ઝિટ પોલમાં સૂચવવામાં આવ્યું હતું કે ગીર્ટ વાઇલ્ડર્સની સ્થળાંતર વિરોધી સખત દક્ષિણપંથી પાર્ટી નેધરલેન્ડમાં મહત્વપૂર્ણ ફાયદો મેળવશે. તેમ છતાં યુરોપ તરફી પક્ષોના ગઠબંધને તેને કદાચ બીજા સ્થાને ધકેલ્યું છે. દર પાંચ વર્ષે યોજાતા મતદાનના સત્તાવાર પરિણામો ઇટલીમાં 27 ઇયુ દેશોના છેલ્લા મતદાન મથકો રાત્રે 11 વાગ્યે બંધ થયા પછી જાહેર થવાનું શરૂ થશે.
