ગાંધીનગર : ગુજરાતમાં આજે નવા મંત્રીમંડળની સીએમ ભુપેન્દ્ર પટેલના નેતુત્વમાં વિસ્તરણ હાથ ધર્યું છે. જેમાં ભાજપે જાતિ અને ઝોનનું બેલેન્સ કરવાનો પ્રયાસ કર્યો છે. જેમાં ઝોન વાઈસ નજર કરીએ તો સૌરાષ્ટ્ર-કચ્છમાંથી 9 મંત્રીઓ, મધ્ય ગુજરાતમાંથી 6 મંત્રીઓ, ઉત્તર ગુજરાતમાંથી 5 મંત્રીઓ બનશે અને દક્ષિણ ગુજરાતમાંથી 4 મંત્રીઓ બનશે.જયારે અમદાવાદમાંથી દર્શના વાઘેલા મંત્રી બનાવવામાં આવ્યા છે.
જાતિય સમીકરણને પણ બેલેન્સ કરવાનો પ્રયાસ
ભાજપ આ ઉપરાંત જાતિય સમીકરણને પણ બેલેન્સ કરવાનો પ્રયાસ કર્યો છે. આ અંગે મળતી માહિતી મુજબ જેમાં અનુસૂચિત જાતિમાંથી ત્રણ ધારાસભ્યો મંત્રી તરીકે શપથ લીધી છે. જેમાં મનીષ વકીલ, પ્રદ્યુમન વાજા અને દર્શનાબેન વાઘેલાનો સમાવેશ થાય છે. આ ઉપરાંત આદિવાસી સમાજમાંથી 4 ધારાસભ્યો મંત્રી બન્યા છે. જેમાં રમેશ કટારા,પી.સી.બરંડા, જયરામ ગામીત અને નરેશ પટેલનો સમાવેશ થાય છે.
પાટીદાર સમાજમાંથી 8 ધારાસભ્યોને મંત્રીમંડળમાં સ્થાન
જયારે ભાજપે તેની મહત્વની વોટબેંકને જાળવી રાખવા માટે પાટીદાર સમાજમાંથી સીએમ ભુપેન્દ્ર પટેલ સહિત 8 સભ્યોને મંત્રીમંડળમાં સ્થાન આપવામાં આવ્યું છે. જેમાં કૌશિક વેકરિયા, પ્રફૂલ પાનરેસિયા, કાંતિ અમૃતિયા, ઋષિકેશ પટેલ, કમ લેશ પટેલ અને જીતુ વાઘાણીને મંત્રીમંડળમાં સ્થાન આપવામાં આવ્યું છે.
આપણ વાંચો: ગુજરાતના નવા મંત્રીમંડળનું સંપૂર્ણ લિસ્ટ, વાંચો એક જ ક્લિકે
