પાટનગરમાં દિવાળી પહેલા દિવાળી: વિધાનસભા, સચિવાલય અને મહાત્મા મંદિર રંગબેરંગી રોશનીથી ઝળહળ્યાં, જુઓ અદ્દભૂત નજારો! | મુંબઈ સમાચાર
ગાંધીનગર

પાટનગરમાં દિવાળી પહેલા દિવાળી: વિધાનસભા, સચિવાલય અને મહાત્મા મંદિર રંગબેરંગી રોશનીથી ઝળહળ્યાં, જુઓ અદ્દભૂત નજારો!

ગાંધીનગર: વડાપ્રધાન નરેન્દ્ર મોદીની અત્યાર સુધીની ૨૪ વર્ષની સંકલ્પ સિદ્ધિની ગાથા જનજનમાં ઉજાગર કરવા રાજ્ય સરકાર દ્વારા ગુજરાત ભરમાં તા. ૭ ઓક્ટોબરથી ૧૫ ઓક્ટોબર સુધી વિકાસ સપ્તાહની ઉમંગભેર ઉજવણીનો શુભારંભ થયો છે. આ વર્ષે વિકાસ સપ્તાહ દરમિયાન વધુને વધુ નાગરિકો સહભાગી થાય તેવા હેતુ સાથે વહિવટી તંત્રના સંકલનમાં રહીને વિવિધલક્ષી કાર્યક્રમો રાજ્યભરમાં યોજાઈ રહ્યા છે. જે અંતર્ગત રાજ્યના વિવિધ મહત્વપૂર્ણ સ્થળોનું સુશોભન અને કલરફૂલ લાઈટીંગ કરવામાં આવ્યું છે.

જનભાગીદારીથી યોજાનાર વિકાસ સપ્તાહની ઉજવણી અંતર્ગત ગાંધીનગરની વિવિધ સરકારી ઈમારતો આકર્ષક રોશનીથી શણગારવામાં આવી છે, જેમાં ગુજરાત વિધાનસભા, સચિવાલય, મહાત્મા મંદિર- દાંડી બ્રિજ,સેન્ટ્રલ વિસ્ટા ગાર્ડન સહિત વિવિધ ઈમારતો પર રંગબેરંગી નયનરમ્ય લાઈટિંગ કરવામાં આવી છે.

ગાંધીનગરના વિવિધ સ્થળોને અદ્દભૂત અને આંખોને આંજી દેતી મનમોહક લાગતી રોશનીથી સજાવવામાં આવ્યા છે. સાથેસાથે આગામી દિવાળીના તહેવારોને ધ્યાને લઈને શૉપિગ ફેસ્ટીવલનું આયોજન કરાયુ છે, જેમાં કુડાસણ આઈ કોનિક રોડ સહિત અન્ય વિસ્તારોમાં પણ નયનરમ્ય રોશની કરવામાં આવી છે.આ નજારો જોઈ શહેરીજનોમાં આનંદની લાગણી જોવા મળી રહી છે.

આ પણ વાંચો…ગુજરાતમાં મોદી મુખ્યમંત્રી બન્યા તેનાં 24 વર્ષ પૂર્ણ, આજથી વિકાસ સપ્તાહની ઉજવણી

Devayat Khatana

મૂળ સૌરાષ્ટ્રના યુવા પત્રકાર જાણીતા અખબાર અને વેબ સાઈટમાં કામ કરવાનો અનુભવ છે. સોશિયલ મીડિયા સાથે જોડાયેલા છે. સૌરાષ્ટ્રના લોકજીવન, સ્થાનિક પ્રશ્નો, ગુજરાતના રાજકારણ, ધર્મ, તેમ જ લોક સાંસ્કૃતિક બાબતો પર સારું પ્રભુત્વ ધરાવે છે.

સંબંધિત લેખો

Back to top button