હવે અમદાવાદ આવવું થશે સરળ! ઉદયપુરના ટ્રાફિકને ટાળવા 6-લેન ગ્રીનફિલ્ડ ઉદયપુર બાયપાસનો વિકલ્પ
અમદાવાદ: રાજસ્થાનમાં ઉદ્ઘાટન પામેલા 6 લેન ગૃન્ફિલ્ડ ઉદયપુર બાયપાસ (દેબારી-કાયા ગામ) યાત્રાનો સમય બચાવવા અને અમદાવાદ, ઉદયપુર, નાથદ્વારા, ચિત્તોડગઢ, જયપુર, અજમેર અને દિલ્હી જેવા શહેરોની સારી કનેક્ટિવિટી માટે સજ્જ છે. ઉદયપુર હાઇવે પર ડાબરી અને કાયા ગામો વચ્ચે 23.9 કિમીના રોડ પર ભારે ટ્રાફિકની સમસ્યાનો સામનો કરવો પડતો હતો જેના કારણે બાયપાસની જરૂરિયાત ઊભી થઈ છે.
વડાપ્રધાન કાયા ગામમાં નેશનલ હાઈવે-48ના દક્ષિણપુર-શામલાજી સેક્શન સાથે દેબારી ખાતે નેશનલ હાઈવે-48ના ચિત્તોડગઢ-ઉદયપુર હાઈવે સેક્શનને જોડતા 6-લેન ગ્રીનફિલ્ડ ઉદયપુર બાયપાસનું ઉદ્ઘાટન કર્યું હતું. PMOએ કહ્યું, “આ બાયપાસ ઉદયપુર શહેરમાં ટ્રાફિક ઘટાડવામાં મદદરૂપ થશે.”
નવેમ્બર 2017 માં રૂ. 900 કરોડના ખર્ચે શરૂ કરાયેલ, આ પ્રોજેક્ટ દિલ્હી-મુંબઈ ગોલ્ડન ચતુર્ભુજ માર્ગ (NH-48) નો એક ભાગ છે. આ ધોરીમાર્ગ એવા પ્રવાસીઓ માટે નવો વૈકલ્પિક માર્ગ પૂરો પાડે છે જેઓ ઉદયપુરના ટ્રાફિકને ટાળવા માગે છે અને સીધા જ એકલિંગજી, શ્રીનાથજી અથવા જયપુર અને દિલ્હી જેવા શહેરો સુધી ઉત્તર તરફ જવા માગે છે. પ્રોજેક્ટ પૂર્ણ કરવાની પ્રારંભિક સમયમર્યાદા નવેમ્બર 2019 નક્કી કરવામાં આવી હતી
પરંતુ કોન્ટ્રાક્ટર તરફથી નાણાકીય સમસ્યાઓના કારણે બાંધકામના કામમાં વિલંબ થયો.
