રાજકોટમાં યુવકે યુવતી સાથે દુષ્કર્મ આચર્યું, બાથરૂમમાં લઈ જઈ વીડિયો ઉતાર્યો ને પછી…

રાજકોટઃ શહેરમાં ગુનાખોરીનો ગ્રાફ વધુ એક દુષ્કર્મનો બનાવ સામે આવ્યો છે. મૂળ સુરેન્દ્રનગરના સાયલા તાલુકાની વતની અને હાલ રાજકોટ ખાતે રહેતી તેમ જ મજૂરી કામકાજ કરતી 19 વર્ષની યુવતી ઉપર ધાકધમકી આપી અવાર-નવાર દુષ્કર્મ ગુજાર્યા બાદ તેની સાથેના અંગત પળોના ફોટો અને વીડિયો વાયરલ કર્યા હતા. જે અંગે ગાંધીગ્રામ-ર પોલીસ મથકમાં ફરિયાદ નોંધાતા પોલીસે આરોપી સુરેશ વિનુભાઈ સોલંકી (રહે. લક્ષ્મીના ઢોળા પાસે)ની ધરપકડ કરી હતી.

શું છે મામલો

પોલીસમાં જાહેર થયેલી વિગત પ્રમાણે, યુવતીની એક વર્ષ પહેલા સગાઈ થઈ હતી. ચારેક માસ પહેલાં સંબંધીના ઘરે જયારે જતી ત્યારે રોજ રાત્રે કચરો નાખવા બહાર નીકળતી ત્યારે આરોપી ઈશારા કરતો હતો. એક દિવસ તેને મોબાઈલ ફોન આપ્યો હતો. જો મોબાઈલ ફોન ન લ્યે તો તેના સંબંધીને મારી નાખવાની ધમકી આપી હતી. ત્યાર પછી તેની ઉપર વાતચીત કરતો હતો.

આપણ વાંચો: રાજકોટમાં ભાઈના મિત્રએ જ સગીરાને ફસાવી: વીડિયો વાયરલ કરવાની ધમકી આપી આચર્યું દુષ્કર્મ!

એક વખત ભોગ બનનાર યુવતી તેના સંબંધીના ઘરે એકલી હતી ત્યારે ત્યાં જઈ તેની સાથે બળજબરીથી શરીર સંબંધ બાંધ્યો હતો. બાદમાં બાથરૂમમાં લઈ જઈ બળજબરીથી ખરાબ ફોટા પાડી લીધા હતા. હવે પછી જો શરીર સંબંધ ન બાંધે તો તેના ફોટા વાયરલ કરવાની ધમકી આપી હતી. ભોગ બનનાર યુવતી એક વખત મજુરી કરવા ગઈ હતી ત્યારે બિલ્ડીંગના છઠ્ઠા માળે લઈ જઈ તેની સાથે શરીર સંબંધ બાંધ્યો હતો.

ત્યાર પછી અવાર-નવાર તેના સગાના ઘરે, અવાવરૂ જગ્યાએ શરીર સંબંધ બાંધતો હતો. દર વખતે જો શરીર સંબંધ ન બાંધે તો ફોટા અને વીડિયો વાયરલ કરવાની ધમકી આપતો હતો. આ વાત તેણે સંબંધીને કરતાં તેને બીજા સ્થળે મુકી ગયા હતા. આ પછી આરોપીએ તેના સંબંધી પાસેથી રૂા.૧.ર૦ લાખની માગણી કરી અન્યથા તેને મારી નાખવાની ધમકી આપી હતી. આટલેથી નહીં અટકતા આરોપીએ તેના સગા-સંબંધીઓને વોટસએપ ઉપર તેના ફોટા અને વીડિયો મોકલી દીધા હતા. જેથી કંટાળીને ફરિયાદ નોંધાવતાં પોલીસે આરોપીની ધરપકડ કરી હતી.

આપણ વાંચો: પટનામાં વિદેશી મહિલા સાથે બસ ડ્રાઈવરે આચર્યું દુષ્કર્મ! પોલીસ ફરિયાદ નોંધી તપાસ શરૂ કરી…

સુરેશ સોલંકી મૂળ સુરેન્દ્રનગરનો વતની અને છેલ્લા કેટલાય સમયથી રાજકોટ રહેતો હોવાનું સામે આવ્યું હતું. તે પોતે કંઈ ખાસ કામકાજ કરતો નહોતો. તેને પૈસાની જરૂરિયાત હોવાથી તેણે આ કામ કર્યું હતું.