“હું તો રાજનીતિનો માણસ….” વિરોધીઓ પર જયેશ રાદડિયાના પ્રહારો

રાજકોટ: જામકંડોરણા ખાતે ધારાસભ્ય જયેશ રાદડિયા લેઉવા પટેલ સમાજનો ભવ્ય સમૂહ લગ્નોત્સવ યોજાયો હતો. જેમા વિઠ્ઠલભાઈ રાદડિયાની પૃણ્ય સ્મૃતિમાં ‘પ્રેમનું પાનેતર’ નામે 511 દીકરીઓનું જયેશ રાદડિયા દ્વારા કન્યાદાન કરવામાં આવ્યુ હતુ. આ ભવ્ય સમુહલગ્નોત્સવમાં અનેક મોટા નેતાઓ ઉપસ્થિત રહ્યા હતા. સમુહલગ્નોત્સવના જયેશ રાદડિયા પોતાના વિરોધીઓ પર આકરા પ્રહાર કર્યા હતા.

આ પણ વાંચો: “માયકાંગલો આગેવાન પોતે ડૂબે સાથે સમાજને ડૂબાડે” જયેશ રાદડિયાએ નામ લીધા વિના કર્યો પ્રહાર

511 દીકરીઓના ભવ્ય સમુહલગ્નોત્સવ
પ્રાપ્ત વિગતો અનુસાર જામકંડોરણા ખાતે ધારાસભ્ય જયેશ રાદડિયા દ્વારા વિઠ્ઠલભાઈ રાદડિયાની પૃણ્ય સ્મૃતિમાં ભવ્ય સમૂહ લગ્નોત્સવનું આયોજન કરવામાં આવ્યું હતું. ‘પ્રેમનું પાનેતર’ નામે યોજાયેલ 511 દીકરીઓના ભવ્ય સમુહલગ્નોત્સવમાં પૂર્વ મુખ્યમંત્રી વિજય રૂપાણી, કૃષિ મંત્રી રાઘવજી પટેલ, જીતુ વાઘાણી તેમજ પોરબંદરના સાંસદ અને કેન્દ્રીય મંત્રી મનસુખ માંડવિયા ખાસ ઉપસ્થિત રહ્યા હતા.

આ દરમિયાન જયેશ રાદડિયાએ સમુહલગ્નોત્સવના દાતાઓ તેમજ 11 હજારથી વધુ સ્વયંસેવકોનો આભાર માન્યો હતો. આ તકે જયેશ રાદડિયાએ પોતાના વિરોધીઓ પર આકરા પ્રહાર કર્યા હતા.

આ પણ વાંચો: જયેશ રાદડિયા vs નરેશ પટેલ : નરેશ પટેલે કહ્યું ‘ઘરની વાત ઘરમાં ન રહી તેનું મને દુ:ખ છે’

જયેશ રાદડિયાએ કહ્યું “હું એક રાજકીય માણસ”
જયેશ રાદડિયાએ કહ્યું કે, હું એક રાજકીય માણસ છું, સમય આવ્યે હું રાજનીતિ પણ કરું છું. આજે જેવો આ સમુહલગ્નોત્સવ સમાપ્ત થશે, ત્યારે કાલે સવારથી જ જયેશ રાદડિયાનું રાજકારણ ચાલુ થઈ જશે. આજે આ સમુહલગ્નોત્સવનું કામ મારું સમાજ માટે છે. વિઠ્ઠલભાઈ રાદડિયાના વારસદાર તરીકે મેં સમાજની જવાબદારી નીભાવી છે.

રાજનીતિમાં નથી, પરંતુ રાજનીતિ કરવાના પ્રયાસ
જયેશ રાદડિયાએ કહ્યું કે જો કે સમાજની બે ટકા ટપોરી ગેંગ જ્યાં સારું થતું હોય, ત્યાં હવનમાં હાડકા નાંખવાનું કામ કરી રહી છે. ફેસબુક, વોટ્સએપ અને ઈન્સ્ટાગ્રામ પર સમાજનું સારું કામ હોય, તો આ ટપોરી ગેંગ ખરાબ કોમેન્ટ કરીને લેઉવા સમાજને કેદ કરવાનું કામ કરી રહી છે. જયેશ રાદડિયા અને રાદડિયા પરિવાર વિશે ખરાબ કોમેન્ટો કરવામાં આવે છે. આપણા જ સમાજના લોકો જેઓ રાજનીતિમાં નથી, પરંતુ એક યા બીજા પ્રકારે સમાજની અંદર રાજનીતિ કરવાના પ્રયાસ કરી રહ્યા છે.