કુછ દિન તો ગુજારો ગુજરાત મેંઃ રાજ્યમાં વિદેશી પ્રવાસીઓની સંખ્યામાં થયો તોતિંગ ઘટાડો…

અમદાવાદઃ ગુજરાત સરકાર પ્રવાસનને વેગ આપવા લાખો-કરોડો રૂપિયા ખર્ચ કરે છે તેમ છતાં રાજ્યમાં પ્રવાસીઓની સંખ્યામાં ઘટાડો થયો હતો. કેન્દ્ર સરકારે રાજ્યસભામાં આપેલી માહિતી મુજબ, એક વર્ષમાં સૌથી વધુ વિદેશી પર્યટકોની સંખ્યા ગુજરાતમાં ઘટી હતી. ગુજરાતમાં 2023માં 28.06 લાખ વિદેશી પ્રવાસીઓ ગુજરાતની મુલાકાતે આવ્યા હતા.

2024માં આ સંખ્યમાં મોટો ઘટાડો થયો હતો. ગત વર્ષે રાજ્યમાં 22.74 લાખ વિદેશી પ્રવાસીઓ મુલાકાતે આવયા હતા. 2023માં ગુજરાત વિદેશી પ્રવાસીઓની સંખ્યામાં બીજા ક્રમે હતું, હવે ચોથા સ્થાને આવી ગયું હતું. મહારાષ્ટ્રે 37 લાખ પ્રવાસીઓ સાથે પ્રથમ સ્થાન જાળવી રાખ્યું હતું, જ્યારે ઉત્તર પ્રદેશે ટોપ-5માં એન્ટ્રી કરી હતી.

કેટલા પ્રવાસીઓ ઘટ્યા
રાજ્યસભામાં આપવામાં આવેલી માહિતી અનુસાર, દેશમાં એકંદરે વિદેશી પ્રવાસીઓની સંખ્યા 2023માં 1.92 કરોડ હતી. તે 2024માં વધીને 2.10 કરોડ થઈ હતી. 20 રાજયમાં વિદેશી પ્રવાસીઓ વધ્યા હતા, જ્યારે 9 રાજ્યમાં ઘટ્યા હતા. 2024માં ગુજરાત, પંજાબ, મધ્યપ્રદેશ, ઝારખંડ સહિત 9 રાજ્યમાં 9.35 લાખ વિદેશી પ્રવાસીઓ ઘટ્યા હતા. જ્યારે બંગાળ, રાજસ્થાન, ઉત્તરપ્રદેશ, મહારાષ્ટ્ર, દિલ્હી સહિત 20 રાજ્યમાં વિદેશી પ્રવાસીની સંખ્યા 25 લાખ વધી હતી.

કયા રાજ્યમાં કેટલા પ્રવાસીઓ ઘટ્યા
મહારાષ્ટ્રમાં 37.05 લાખ, પશ્ચિમ બંગાળમાં 31.24 લાખ, ઉત્તર પ્રદેશમાં 23.65 લાખ, ગુજરાતમાં 22.74 લાખ. રાજસ્થાનમાં 20.72 લાખ વિદેશી પ્રવાસીઓ આવ્યા હતા.

આ પણ વાંચો…ગુજરાતમાં બે વર્ષમાં આટલા કરોડનો વિદેશી દારૂ પકડાયો, આંકડો જાણીને ચોંકી જશો