સુરતમાં 3 છોકરીઓની છેડતી કરનારો ઝડપાયો, CCTV માં કેદ થઈ હતી ઘટના…

Surat Crime News : સુરતના ઉધના વિસ્તારમાં 8 ડિસેમ્બરે રસ્તા પર જતી ત્રણ છોકરીની છેડતીનો મામલો સામે આવ્યો હતો. આરોપીની હરકત સીસીટીવીમાં કેદ થઈ હતી. 9 ડિસેમ્બરે આ વીડિયો વાઇરલ થયો હતો. પોલીસે તાબડતોડ કાર્યવાહી કરીને 700થી વધુ સીસીટીવી ફૂટેજ ચેક કર્યા બાદ 19 વર્ષીય આરોપી નઈમુદ્દીન અરમાન અબ્દુલ ઝબ્બારની ધરપકડ કરી હતી. આરોપી સુધી પહોંચવા પોલીસે અલગ અલગ એંગલથી ફૂટેજ ચેક કર્યા હતા.

આ પણ વાંચો : Vadodara માંથી પ્રતિબંધિત 1000 ચાઇનીઝ તુક્કલ ઝડપાઈ, અમદાવાદથી આવ્યો હતો જથ્થો

CCTV ફૂટેજ થયા હતા વાઇરલ

સીસીટીવી ફૂટેજ મુજબ, આરોપી મોપેડ પર બેઠેલી એક યુવતી પાસે જઈને છેડતી કરે છે. છોકરી ડરના માર્યા ભાગી ગઈ હતી. જે બાદ આરોપીએ આગળ જઈને વધુ બે છોકરીઓ સાથે પણ આવી ગંદી હરકત કરી હતી. આ છોકરીઓ પણ ડરની મારી ત્યાંથી ભાગી ગઈ હતી. પોલીસે અનેક કલાકો સુધી વિવિધ એંગલથી ફૂટેજ ચેક કર્યા અને બાદમાં આરોપીને ઝડપી પાડ્યો હતો.

આ પણ વાંચો : Rajkot ને 13 ડિસેમ્બરે મુખ્યપ્રધાન ભૂપેન્દ્ર પટેલ રૂ. 793.45 કરોડના વિકાસકામોની ભેટ આપશે

ડીસીપી ભગીરથ ગઢવીએ જણાવ્યું કે, આરોપીને પકડવા માટે ટેકનિકલ ટીમ અને બાતમીદારોની મદદ લેવાં આવી હતી. પોલીસ હાલ આરોપીએ અત્યાર સુધીમાં આવી કેટલી ઘટનાને અંજામ આપ્યો છે તેની પૂછપરછ કરી રહી છે. ઉપરાંત પોલીસ આરોપીને કડક સજા થાય તે માટે પૂરતા પુરાવા એકત્ર કરી રહી છે. પોલીસે જણાવ્યું કે, છેડતીની ઘટના 8 તારીખે બની હતી અને તેના 24 કલાક બાદ ઘટનાનો વીડિયો વાયરલ થયો હતો. આ સ્થિતિમાં આરોપીની ધરપકડ કરવી મુશ્કેલ હતી.