વડોદરાઃ શહેરની સયાજી હોસ્પિટલમાં આજે સવારે એક દર્દીએ બારીમાંથી કૂદીને આપઘાત કરવાનો પ્રયાસ કર્યો હતો. સદનસીબે, દર્દીએ બારીમાંથી પડતું મૂક્યું હોવા છતાં તેમનો આબાદ બચાવ થયો હતો અને હાલ તેમને ઓર્થો વિભાગમાં વધુ સારવાર માટે દાખલ કરવામાં આવ્યા હતા.
મળતી વિગત પ્રમાણે, વડોદરા શહેરની સયાજી હોસ્પિટલમાં આજે સવારે 6 વાગ્યાના અરસામાં એક દર્દીએ બારીમાંથી કૂદીને આપઘાત કરવાનો પ્રયાસ કર્યો હતો. ખોડિયારનગર, ન્યૂ વીઆઇપી રોડ પરની વ્રજધામ સોસાયટીમાં રહેતા 65 વર્ષીય દયાનંદ બાબુરાવ પવાર નામના દર્દી ગત તારીખ 5 નવેમ્બરના રોજ ન્યૂ સર્જિકલ બિલ્ડિંગના પ્રથમ માળ પરના ડી-વન વોર્ડમાં સારવાર હેઠળ દાખલ કરાયા હતા.
સદનસીબે, દર્દીએ બારીમાંથી પડતું મૂક્યું હોવા છતાં તેમનો આબાદ બચાવ થયો હતો અને હાલ તેમને ઓર્થો વિભાગમાં વધુ સારવાર માટે દાખલ કરવામાં આવ્યા હતા. ઘટનાના પગલે ચકચાર મચી ગઈ હતી.
આ પણ વાંચો…Vadodara માં પૂર્વ કોર્પોરેટરના પુત્રની સયાજી હોસ્પિટલમાં હત્યા
