મહી નદી પરના ગંભીરા પુલના સમારકામ અને નવા સ્ટીલ પુલ માટે સરકારે 9.12 કરોડ રૂપિયા ફાળવ્યા
વડોદરા : વડોદરા જિલ્લામાં મહી નદી ઉપર આવેલ ગંભીરા પુલનો એક ભાગ ધરાશાયી થયો હતો જેના કારણે પુલ પરનો વાહન વ્યવહાર બંધ થવાથી વાહનચાલકો તથા રાહદારીઓને ખુબ જ હાલાકી ભોગવવી પડતી હતી. આ ક્ષતિગ્રસ્ત પુલના બાજુમાં નવીન પુલ બનાવવાની કામગીરી માર્ગ અને મકાન વિભાગ દ્વારા યુદ્ધના ધોરણે શરૂ કરવામાં આવી હતી. અત્યારે આ નવીન પુલની 20 ટકા કામગીરી પૂર્ણ થઈ ગઈ છે. પરંતુ આ દરમિયાન વાહન ચાલકોને પડી રહેલી હાલાકીના કારણે વૈકલ્પિક વ્યવસ્થા કરવામાં આવી હતી.
સ્ટીલ બ્રિજની વૈક્લ્પિક વ્યવસ્થાથી વાહન વ્યવહાર પુન:સ્થપિત રજૂઆત
બોરસદ વિસ્તારમાં સ્થાપિત વિવિધ ઔદ્યોગિક એકમો ખાતે રોજગારી અર્થે અવર-જવર કરતાં લોકોને ડાયવર્ઝનના કારણે મુશ્કેલી પડી રહી હોવાથી માર્ગ અને મકાન વિભાગ દ્વારા ક્ષતિગ્રસ્ત પુલનું વિસ્તૃત નિરીક્ષણ તથા પરીક્ષણ હાથ ધરી સ્ટીલ બ્રિજની વૈક્લ્પિક વ્યવસ્થાથી વાહન વ્યવહાર પુન:સ્થપિત રજૂઆત કરવામાં આવી હતી. કેબીનેટ પ્રધાન રમણભાઇ સોલંકી દ્વારા કરવામાં આવેલ રજુઆતને ધ્યાન રાખતા મુખ્ય પ્રધાન ભૂપેન્દ્ર પટેલે 9.12 કરોડ રૂપિયા ફાળવ્યાં હતાં.
તારીખ 18/11/2025થી રૂપિયા 9.12 કરોડના ખર્ચે ક્ષતિગ્રસ્ત પુલ પર નવિનત્તમ સ્ટીલ બ્રિજ તથા પુલના અન્ય ગાળાઓમાં જરૂરી સમાર કામગીરી હાથ ધરવા માટે સીએમ દ્વારા મંજૂરી આપવામાં આવેલ હતી.
