અમદાવાદ: ગુજરાતમાં ઠંડીની અસર ગાયબ થઈ ગઈ હોય તેમ તાપમાનનો પારો ઊંચો નોંધાયો છે. રાજ્યના અમુક ભાગોમાં મહત્તમ તાપમાનનો પારો 30 ડિગ્રી સેલ્સિયસને વટાવી ગયો હતો. રાજકોટ અને સુરત બંને રાજ્યના ગરમ સ્થળો રહ્યા હતા. જો કે તે ઉપરાંત અન્ય ભાગોમાં પણ ઊંચું તાપમાન નોંધાયું હતું.
છેલ્લા 24 કલાક દરમિયાન રાજ્યના અમુક ભાગોમાં મહત્તમ તાપમાનનો પારો 30 ડિગ્રી સેલ્સિયસને વટાવી ગયો હતો. જેમાં સૌથી ઊંચું તાપમાન રાજકોટમાં 33 ડિગ્રી સેલ્સિયસ અને સુરતમાં 33 ડિગ્રી સેલ્સિયસ નોંધાયું હતું. વેરાવળમાં 32.3 ડિગ્રી સેલ્સિયસ, પોરબંદરમાં 32 ડિગ્રી સેલ્સિયસ અને અમરેલીમાં 31.3 ડિગ્રી સેલ્સિયસ નોંધાયું હતું.
ડાંગમાં 30.9 ડિગ્રી સેલ્સિયસ, અમદાવાદમાં મહત્તમ 30.8 ડિગ્રી સેલ્સિયસ, ભાવનગરમાં 30.8 ડિગ્રી સેલ્સિયસ, ગાંધીનગરમાં 30.5 ડિગ્રી સેલ્સિયસ, કંડલામાં 30.5 ડિગ્રી સેલ્સિયસ, વડોદરામાં 30.4 ડિગ્રી સેલ્સિયસ, નલિયામાં 30 ડિગ્રી સેલ્સિયસ, દાહોદમાં 28.3 ડિગ્રી સેલ્સિયસ, ઓખામાં 28.2 ડિગ્રી સેલ્સિયસ, ભુજમાં 27.8 ડિગ્રી સેલ્સિયસ અને જામનગરમાં 27.7 ડિગ્રી સેલ્સિયસ તાપમાન નોંધાયું હતું.
