અમદાવાદ: ગુજરાતમાં ચોમાસાની વિદાયના સમયે જ રાજ્યમાં વરસાદી માહોલ સર્જાયો છે અને રાજ્યના અનેક જિલ્લામાં વરસાદ પડી રહ્યો છે, ત્યારે હવામાન વિભાગની દ્વારા ગુજરાતમાં આગામી દિવસોમાં પણ વરસાદી માહોલ યથાવત રહે તેવી આગાહી કરવામાં આવી છે. ખાસ કરીને સૌરાષ્ટ્ર અને કચ્છના કેટલાક વિસ્તારોમાં ભારે વરસાદની આગાહી કરવામાં આવી છે, જ્યારે ઉત્તર અને દક્ષિણ ગુજરાતના તમામ જિલ્લાઓમાં હળવાથી મધ્યમ વરસાદની સંભાવના છે.
હવામાન વિભાગની આગાહી મુજબ, આજે ગુજરાતના વિવિધ વિસ્તારોમાં આગામી દિવસોમાં હળવા થી મધ્યમ વરસાદ સાથેના વરસાદી ઝાપટાં પડવાની સંભાવના છે. સૌરાષ્ટ્ર પ્રદેશના મોટાભાગના જિલ્લાઓ, એટલે કે સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ અને દીવમાં અનેક સ્થળોએ હળવાથી મધ્યમ વરસાદ થવાની સંભાવના છે.
ઉત્તર ગુજરાતના તમામ જિલ્લાઓ બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર અને દક્ષિણ ગુજરાતના તમામ જિલ્લાઓ વડોદરા, છોટા ઉદેપુર, નર્મદા, ભરૂચ, સુરત, તાપી, નવસારી, વલસાડ તેમજ દમણ, દાદરા અને નગર હવેલીમાં થોડા સ્થળોએ હળવા થી મધ્યમ વરસાદ થવાની સંભાવના છે. કચ્છ જિલ્લામાં પણ થોડા સ્થળોએ હળવા થી મધ્યમ વરસાદ પડે તેવી શક્યતા હવામાન વિભાગે વ્યક્ત કરી છે.
આ પણ વાંચો…ગુજરાતમાં વરસાદી સિસ્ટમ હટતા ટૂંક સમયમાં ‘ઠંડીનો ચમકારો’ શરૂ થશે…
