અમદાવાદ: ગુજરાતમાં સરકારી નોકરી માટે તૈયારી કરનારા ઉમેદવારો માટે સારા સમાચાર છે. કારણ કે જેની ખૂબ જ આતુરતાથી રાહ જોવાઈ રહી તે પોલીસ ભરતીની જાહેરાત કરવામાં આવે છે. પોલીસ ભરતી બોર્ડ દ્વારા પોલીસ સબ ઇન્સ્પેકટર અને લોકરક્ષક દળ કેડરની 13 હજાર કરતાં વધુ પદો પરની ભરતી જાહેરાત કરવામાં આવે છે.
પોલીસ ભરતી બોર્ડ દ્વારા કરવામાં આવેલી જાહેરાત અનુસાર, પીએસઆઈ કેડરની કુલ 858 જગ્યાઓ પર ભરતીની જાહેરાત કરવામાં આવી છે. જેમાં બિન હથિયારી પોલીસ સબ ઇન્સ્પેકટરની 659 જગ્યાઓ, હથિયારી પોલીસ સબ ઇન્સ્પેકટરની 129 જગ્યાઓ તેમજ જેલર ગ્રુપની 70 જગ્યાઓ પર ભરતીની જાહેરાત કરવામાં આવી છે. પીએસઆઈના પદ માટે સ્નાતક કક્ષાને શૈક્ષણિક લાયકાત ગણવામાં આવશે.
લોકરક્ષક દળની કુલ 12733 જગ્યાઓ પર ભરતીની જાહેરાત કરવામાં આવી છે, જેમાં બિનહથિયારી પોલીસ કોન્સ્ટેબલની 6942 જગ્યાઓ, હથિયારી પોલીસ કોન્સ્ટેબલની 2458 જગ્યાઓ, હથિયારી પોલીસ કોન્સ્ટેબલની (SPRF)ની 3002 જગ્યાઓ, જેલ સીપોઇ (પુરુષ)ની 300 જગ્યાઓ તેમજ જેલ સીપોઇ (મહિલા/મેટ્રન)ની 31 જગ્યાઓ પર ભરતીની જાહેરાત કરવામાં આવી છે. કોન્સ્ટેબલ માટે શૈક્ષણિક લાયકાત 12 પાસ રહેશે.
પીએસઆઈ અને લોકરક્ષક દળની ભરતી અંગે ઓજસ ગુજરાતની વેબસાઈટ તેમજ પોલીસ ભરતી બોર્ડની વેબસાઇટ પરની સૂચના ધ્યાને લેવાની રહેશે. આ પદ માટેની ઓનલાઈન અરજીની 3 ડિસેમ્બરથી 23 ડિસેમ્બર સુધીમાં કરવાની રહેશે.
આ પણ વાંચો…સરકારી નોકરીવાંચ્છુકો માટે સુવર્ણ તક: GPSC દ્વારા 378 જગ્યાઓ માટે બમ્પર ભરતીની જાહેરાત
