અમદાવાદ: ગઇકાલે રાજ્યના 147 તાલુકાઓમાં મેઘમહેર જોવા મળી હતી, ત્યારે આજે રાજ્યના અનેક જિલ્લામાં વરસાદની આગાહી કરવામાં આવી છે. રાજ્યના મોટાભાગના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદની શક્યતા છે, જ્યારે કેટલાક જિલ્લાઓમાં ભારેથી અતિભારે અને અત્યંત ભારે વરસાદની પણ સંભાવના વ્યક્ત કરવામાં આવી છે. ઉત્તર ગુજરાત, દક્ષિણ ગુજરાત અને સૌરાષ્ટ્ર-કચ્છના તમામ જિલ્લાઓમાં છૂટાછવાયા સ્થળોએ ગાજવીજ સાથે હળવાથી મધ્યમ વરસાદ અને 30-40 કિમી પ્રતિ કલાકની ઝડપે પવન ફૂંકાવાની પણ શક્યતા છે.
ઉત્તર ગુજરાતના આ જિલ્લાઓમાં પડશે વરસાદ
બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહીસાગર જિલ્લાના મોટાભાગના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદની આગાહી છે. બનાસકાંઠામાં ભારેથી અતિભારે વરસાદ અને છૂટાછવાયા અત્યંત ભારે વરસાદની પણ શક્યતા છે. પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહીસાગરમાં છૂટાછવાયા સ્થળોએ ભારેથી અતિભારે વરસાદ વરસી શકે છે.
દક્ષિણ ગુજરાતમાં પણ રહેશે મેઘમહેર
વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલીના મોટાભાગના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદની આગાહી છે. નવસારી, વલસાડ અને દમણ, દાદરા નગર હવેલીમાં ભારેથી અતિભારે વરસાદ અને છૂટાછવાયા અત્યંત ભારે વરસાદની આગાહી કરવામાં આવી છે. ભરૂચ, સુરત, ડાંગ અને તાપીમાં છૂટાછવાયા સ્થળોએ ભારેથી અતિભારે વરસાદ વરસી શકે છે. વડોદરા, છોટા ઉદેપુર અને નર્મદામાં છૂટાછવાયા સ્થળોએ ભારે વરસાદની આગાહી છે.
સૌરાષ્ટ્ર-કચ્છને પણ ધમરોળશે મેઘરાજા
સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવના મોટાભાગના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદની આગાહી છે. જામનગર, રાજકોટ, પોરબંદર, જૂનાગઢ અને દ્વારકામાં ભારેથી અતિભારે વરસાદ અને છૂટાછવાયા અત્યંત ભારે વરસાદની આગાહી હવામાન વિભાગે કરી છે. સુરેન્દ્રનગર, અમરેલી, ભાવનગર, મોરબી, ગીર સોમનાથ, બોટાદ, કચ્છ અને દીવમાં છૂટાછવાયા સ્થળોએ ભારેથી અતિભારે વરસાદ વરસી શકે છે.
રાજ્યના 15 જિલ્લામાં ઓરેન્જ એલર્ટ
રાજ્યના હવામાન વિભાગ દ્વારા 23 જૂન સવારે 10 વાગ્યા સુધી રાજ્યના 15 જિલ્લામાં નાઉકાસ્ટ ઓરેન્જ એલર્ટ જાહેર કરવામાં આવ્યું છે. અમદાવાદ, ગાંધીનગર, વલસાડ, ખેડા, આણંદ, ભરૂચ, વડોદરા, છોટા ઉદેપુર, અરવલ્લી, મહીસાગર, દાહોદ, પંચમહાલ, બનાસકાંઠા, સાબરકાંઠા અને મહેસાણામાં વરસાદની આગાહી કરવામાં આવી છે.
આ પણ વાંચો…બનાસકાંઠાના અમીરગઢમાં સૌથી વધુ વરસાદ પડ્યોઃ બનાસ નદીમાં નવા નીરની આવક
