અમદાવાદ: ગુજરાતમાં છેલ્લા દિવસોમાં ગુલાબી ઠંડી અનુભવાઈ રહી છે. જો કે સવારે ઠંડી અને દિવસે આકરી ગરમીનો અનુભવ થઈ રહ્યો છે. નવેમ્બરના આરંભથી જ રાજ્યના ન્યૂનતમ તાપમાનમાં ફેરફાર નોંધાયો હતો અને તાપમાન ઘણું નીચું જતું રહ્યું હતું. ત્યારે સૌથી વધુ ઠંડી પૂર્વ ગુજરાતમાં દાહોદ ખાતે નોંધાઈ હતી.
રાજ્યના હવામાન વિભાગના જણાવ્યા અનુસાર, છેલ્લા 24 કલાક દરમિયાન ગુજરાત પ્રદેશ, સૌરાષ્ટ્ર-કચ્છ અને દીવ, દમણ તથા દાદરા નગર હવેલીમાં હવામાન સૂકું રહ્યું હતું. શુક્રવારે, પ્રદેશના લઘુત્તમ તાપમાનમાં કોઈ મોટો ફેરફાર જોવા મળ્યો ન હતો. જોકે, ગુજરાત પ્રદેશ અને સૌરાષ્ટ્ર-કચ્છના કેટલાક ભાગોમાં તાપમાન સામાન્ય કરતાં નીચુંથી લઈને નોંધપાત્ર રીતે નીચું રહ્યું હતું, જ્યારે પ્રદેશના બાકીના ભાગોમાં તાપમાન સામાન્ય હતું. પ્રદેશમાં સૌથી ઓછું લઘુત્તમ તાપમાન ૧૨ ડિગ્રી સેલ્સિયસ દાહોદ ખાતે નોંધાયું હતું.
છેલ્લા 24 કલાક દરમિયાન રાજ્યનું સરેરાશ મહત્તમ તાપમાન 31.3 ડિગ્રી સેલ્સિયસ નોંધાયું હતું, જ્યારે ન્યૂનતમ તાપમાન 16.6 ડિગ્રી સેલ્સિયસ નોંધાયું હતું. રાજ્યના સામાન્ય ન્યૂનતમ અને લઘુતમ તાપમાનની વચ્ચે 1 ડિગ્રી સેલ્સિયસ જેટલો ફેરફાર નોંધાયો હતો.
રાજ્યમાં સૌથી ઓછું તાપમાન દાહોદમાં 12 ડિગ્રી સેલ્સિયસ, નલિયામાં 14 ડિગ્રી સેલ્સિયસ, કંડલામાં 15 ડિગ્રી સેલ્સિયસ, ભુજમાં 17 ડિગ્રી સેલ્સિયસ, અમરેલીમાં 15 ડિગ્રી સેલ્સિયસ, ભાવનાગરમાં 17 ડિગ્રી સેલ્સિયસ, પોરબંદરમાં 16 ડિગ્રી સેલ્સિયસ, રાજકોટમાં 15 ડિગ્રી સેલ્સિયસ, કેશોદમાં 15 ડિગ્રી સેલ્સિયસ, મહુવામાં 16 ડિગ્રી સેલ્સિયસ, અમદાવાદમાં 17 ડિગ્રી સેલ્સિયસ, ડીસા અને ગાંધીનગરમાં 15 ડિગ્રી સેલ્સિયસ તાપમાન નોંધાયું હતું.
જ્યારે મહત્તમ તાપમાનની વાત કરીએ તો અમદાવાદ અને ગાંધીનગરમાં 31 ડિગ્રી સેલ્સિયસ, ડીસામાં 32 ડિગ્રી સેલ્સિયસ, વડોદરામાં 31 ડિગ્રી સેલ્સિયસ, સુરતમાં 32 ડિગ્રી સેલ્સિયસ, રાજકોટમાં 33 ડિગ્રી સેલ્સિયસ, ભાવનગરમાં 30 ડિગ્રી સેલ્સિયસ, ભુજમાં 33 ડિગ્રી સેલ્સિયસ તાપમાન નોંધાયું હતું.
આ પણ વાંચો…હિમાચલ અને જમ્મુ કાશ્મીરમાં ઠંડીનો ચમકારો, ઝારખંડ અને પશ્ચિમ બંગાળના શીત લહેરની આગાહી
