અમદાવાદઃ ગુજરાત ઈન્ટરનેશનલ ફાઈનાન્સિયલ ટેક સિટી (Gift City)એ ગ્લોબલ ફાઇનાન્સીયલ અને ટેકનોલોજીના હબ તરીકે ઉભરી રહ્યું છે. અહી ગ્લોબલ ઇનવેસ્ટર, ટેકનિકલ એક્ષપર્ટ તેમજ ગિફટ સિટી ખાતે સ્થપાયેલ આંતરરાષ્ટ્રીય અને રાષ્ટ્રીય સ્તરની કંપનીઓ માટે ગ્લોબલ બીઝનેસ ઇકોસિસ્ટમ તથા આર્થિક પ્રવૃતિઓમાં વધારો થાય તે હેતુથી ગિફટ સિટી વિસ્તારમાં આપયેલ વાઈન એન્ડ ડાઈન ફેસીલીટીમાં જરૂરી ફેરફાર કરવામાં આવ્યા હતા.
દારૂ પીવાના નિયમોમાં કેમ અપાઈ છૂટછાટ
“વાઇન એન્ડ ડાઇન ફેસિલીટી” અંતર્ગત ગિફટ સીટીમાં રહેલ ઔદ્યોગિક એકમોની મુલાકાત અર્થે બહારથી આવતા વિઝીટરોને સરળતાથી ટેમ્પરરી પરમીટ મળે રહે તે હેતુ ફેરફાર કરવામાં આવ્યો હતો. આ હેતુથી ગિફ્ટ સિટીમાં ઓદ્યોગિક હેતુથી આવતા વિઝીટર્સ વાઈન એન્ડ ડાઇન તેમજ હોટલ/રેસ્ટોરન્ટ ના અન્ય કોઇ પણ પ્રિમાઇસીસ જેમકે રેસ્ટોરેન્ટ, લોન એરીયા, પુલ સાઇડ, ટેરેસ વગેરેમાં ઉપયોગ કરી શકશે. ગિફ્ટ સીટીમાં મુલાકાત અર્થે આવતા અન્ય દેશના કે રાજ્યના મુલાકાતીઓ સરળતાથી વાઇન એન્ડ ડાઇન ફેસિલીટીનો ઉપયોગ કરી શકે તે માટે ગ્લોબલ બીઝનેસ ઇકોસિસ્ટમ ડેવલપ કરવાના હેતુસર ફેરફાર કરવામાં આવ્યો હતો.
કોને મળશે દારૂ
ગિફ્ટ સિટીમાં યોજાતા આંતરાષ્ટ્રીય/રાષ્ટ્રીય લેવલના કોન્વેશન, કોન્ફરન્સ, બિઝનેશ મિટીંગો જેવી ઇવેન્ટો અંતર્ગત ગૃપ પરમીટ સરળતાથી ઇસ્યુ કરી શકાય તે હેતુથી ઓથોરાઇઝડ ઓફિસર(ગિફ્ટ એમ.ડી.)ને ઇસ્યુ કરવાની સત્તા આપવામાં આવી છે. લીકર એક્સેસ પરમીટ/ટેમ્પરરી પરમીટ હોલ્ડર/એક્સટર્નલ પર્સનની મિનિમમ ઉંમર 21 વર્ષ રાખવામાં આવી છે, તેનાથી નાની ઉંમરના લોકોને દારૂ નહીં આપવામાં આવે.
કોને લાગુ નહીં પડે નિયમ
ગુજરાતના પ્રવર્તમાન કાયદા કે નશાબંધી નીતિમાં કોઇ પણ પ્રકારનો ફેરફાર કરવામાં આવ્યો નથી. ગિફ્ટ સિટીના વાઇન અને ડાઇન પોલિસીમાં ફક્ત ગિફ્ટ સિટીમા કામ કરતા અધિકારી/કર્મચારી તેમજ ઓદ્યોગિક હેતુસર ગીફ્ટ સિટીમાં વિઝીટ કરતા અન્ય દેશના તથા અન્ય રાજ્યોના મુલાકાતીઓ સરળતાથી વાઇન અને ડાઇન ફેસિલિટીનો ઉપયોગ કરી શકે તે માટે ગ્લોબલ બીઝનેસ ઇકોસિસ્ટમ ડેવલપ કરવા માટે વાઇન અને ડાઇન પોલીસીમા આ ફેરફાર કરવામાં આવ્યો હતો. આ ફેરફાર ગુજરાત રાજ્યના નાગરિકોને લાગુ પડતો નથી.
મુંબઈ સમાચારે જાણ્યા લોકોના પ્રતિભાવ
સિટીમાં દારૂ પીવાના નિયમોમાં વધારે છૂટછાટના નિયમને લઈ મુંબઈ સમાચારે લોકોના પ્રતિભાવ જાણ્યા હતા. મોટા ભાગના લોકોનું માનવું છે કે શા માટે માત્ર ગિફ્ટ સિટીમાં જ આ સવલત આપવામાં આવી છે? સમગ્ર ગુજરાતમાંથી દારુબંધી સંપૂર્ણપણે હટી જવી જોઈએ. લોકોએ આ બાબાતે અલગ અલગ રીતે પોતાના મત આપ્યા હતા.
