અમદાવાદ: અમદાવાદ શહેરમાં પોલીસની એસઓજી ટીમે કારને ટક્કર મારીને ભાગી રહેલા યુવકને આશ્રમ રોડથી ઝડપ્યો હતો. જયારે તેની તલાશી લેવામાં આવી ત્યારે તેની પાસેથી એમડી ડ્રગ્સ મળી આવ્યું હતું. પોલીસની એસઓજી ટીમે તેની પાસેથી 58 ગ્રામ એમ.ડી. ડ્રગ્સ ઝડપ્યું હતું. જેની કિંમત આશરે 5. 81 લાખ રૂપિયા થવા જાય છે.
એસઓજીની ટીમને માહિતી મળી હતી
એસઓજીએ ઝડપેલા આરોપીનું નામ હમઝા ઉર્ફે મુલ્લા શેખ છે. જે અમદાવાદના બહેરામપુરાનો નિવાસી છે. તેની પર એમડી ડ્રગ્સના ગેરકાયદે સપ્લાયનો આરોપ છે. આ અંગે એસઓજીની ટીમને માહિતી મળી હતી કે આરોપી આશ્રમ રોડ પર આઈસીઆઈસીઆઈ બેંક નજીકથી પસાર થવાનો છે.
બાઈકને ટક્કર મારીને ભાગવાનો પ્રયાસ કર્યો
જેના આધારે પોલીસે આ વિસ્તારમાં વોચ ગોઠવી હતી. જયારે આરોપી આ દરમિયાન કાર લઈને નીકળ્યો હતો. ત્યારે પોલીસની ટીમે તેની કાર આગળ બાઈક ઉભી કરી દીધી હતી .તેમજ પોલીસે પરિચય આપીને તેને નીચે ઉતરવા જણાવ્યું હતું. જોકે, આરોપીએ કારથી બાઈકને ટક્કર મારીને ભાગવાનો પ્રયાસ કર્યો હતો. પરંતુ પોલીસે તેને દબોચી લીધો હતો
આ પણ વાંચો…થાણેમાં 3.39 કરોડ રૂપિયાનું ડ્રગ્સ વેચવા આવેલો ડ્રાઇવર પકડાયો…
