અમદાવાદઃ દિલ્હીની જેમ અમદાવાદ પણ પ્રદૂષણના ભરડામાં આવી રહ્યું છે. છેલ્લા કેટલાક દિવસોથી શહેરનો એર ક્વોલિટી ઈન્ડેક્સ (એક્યૂઆઈ) 300ને પાર કરી ગયો છે. શહેરના પોશ વિસ્તાર ગણાતા બોપલમાં પ્રદૂષણ જોખમી સ્તરે પહોંચ્યું છે.થલતે, સાઉથ બોપલ, શાહીબાગ, ઘુમા અને બોડકદેવ સૌથી વધુ અસર જોવા મળી હતી. જ્યારે શહેરના મધ્ય અને જૂના ભાગોમાં માત્ર નજીવો સુધારો જોવા મળ્યો. એરપોર્ટ અને સેટેલાઇટ ઝોન જેવા પરંપરાગત રીતે ‘સ્વચ્છ’ ગણાતા વિસ્તારોમાં પણ રાહત સ્થિતિ ખરાબ હતી.
સૂત્રોના જણાવ્યા પ્રમાણે, ધુમ્મસ માત્ર વિઝિબિલિટીનો મુદ્દો નથી પરંતુ એક મોટો સ્વાસ્થ્ય ખતરો છે. હવામાન વિભાગના નિષ્ણાતોએ જણાવ્યું હતું કે હવામાનના ફેરફારને ઇથોપિયાના જ્વાળામુખીની રાખ સાથે કોઈ લેવાદેવા નથી, જે ભારતમાંથી પસાર થઈ હતી પરંતુ તે ઉપલા વાતાવરણમાં રહી હતી. તેઓએ ઉમેર્યું કે હવાની ગુણવત્તા ભેજ અથવા ભેજનું પ્રમાણ, તાપમાન, પવનની ગતિ અને પવનની દિશા જેવા પરિબળો પર ઘણો આધાર રાખે છે. છેલ્લા કેટલાક દિવસોથી, પવનની દિશા ઉત્તરપૂર્વથી બદલાઈને પૂર્વ અને દક્ષિણપૂર્વ તરફ થવાથી ફરી એક સંક્રમણ સમયગાળો છે.
સૂત્રોએ જણાવ્યું કે, તેમના પાંચ વર્ષના પુત્રને હવામાનમાં સહેજ ફેરફાર થવાથી વારંવાર ઉધરસ અને શરદી થઈ જાય છે. તાજેતરમાં, તે દિલ્હીમાં થઈ રહેલા વિરોધ વિશેની રીલ્સ જોઈ રહ્યો છે અને તેણે AQI વિશે પૂછપરછ કરી. ત્યારથી, તેણે શાળાએ જતી વખતે અથવા લાંબા સમય સુધી બહાર રહેતી વખતે માસ્ક પહેરવાનું શરૂ કર્યું છે.
તબીબોના કહેવા પ્રમાણએ, તેમની પાસે લાંબા સમય સુધી ઉધરસ અને ગળામાં બળતરાને લગતી ફરિયાદોનું પ્રમાણ વધ્યું છે. જેમને પહેલેથી જ તકલીફો છે તેમણે તબીબી સલાહ પછી N95 સહિત યોગ્ય માસ્ક પહેરવો જોઈએ.
અમદાવાદના કયા વિસ્તારમાં કેટલો AQI
થલતેજ – 327
સાઉથ બોપલ – 320
શાહીબાગ – 315
ઘુમા – 312
એસપી સ્ટેડિયમ – 312
બોડકદેવ – 311
ઉસ્માનપુરા – 309
કઠવાડા – 308
મણીનગર – 308
રામદેવનગર – 308
ઈસરો- 308
ચાંદખેડા – 307
એસવીપી એરપોર્ટ – 302
આ પણ વાંચો…વાયુ પ્રદૂષણથી દિલ્હીની માઠી દશા! AQI 460ને પાર, 15 સિગારેટ પીવા જેટલું ઝેર હવામાં…
