ચકચાર: અમદાવાદમાં એકતરફી પ્રેમમાં પાગલ યુવકનો હોસ્પિટલમાં જ કર્યું અગ્નિ સ્નાન, યુવતી બેભાન

અમદાવાદઃ શહેરમાં એક ચોંકાવનારી ઘટના સામે બની હતી. સરખેજ વિસ્તારમાં એક યુવતીની પજવણી કરતા યુવકે હોસ્પિટલમાં જ પોતાની જાત પર પેટ્રોલ છાંટીને આગ લગાવી હતી. આ ઘટનાના પગલે ચકચાર મચી ગઈ હતી. આત્મદાહનો પ્રયાસ કરનારો યુવક ગંભીર રીતે દાઝ્યો હતો, જેથી સારવાર અર્થે ખસેડાયો હતો. જ્યાં તેનું મોત થયું હતું. જ્યારે જે યુવતી સાથે તેણે તકરાર કરી તે આઘાતના કારણે બેભાન થઈ ગઈ હતી.

શું છે મામલો

મળતી વિગત પ્રમાણે, સરખેજ વિસ્તારમાં પડોશમાં રહેતા યુવકને હોસ્પિટલમાં નોકરી કરતી યુવતી સાથે તકરાર થઈ હતી. જેના કારણે ઉશ્કેરાઈને યુવતી જે હોસ્પિટલમાં નોકરી કરી હતી ત્યાં પેટ્રોલ છાંટી લાઈટરથી આગ લગાવી દીધી હતી. જેના કારણે તે પહેલા માળેથી નીચે પટકાયો હતો. જેના સીસીટીવી પણ સામે આવ્યા છે. જેમાં યુવક ગંભીર રીતે દાઝી ગયેલા હોવાનું જોવા મળ્યું હતું. આ ઘટના બાદ લોકોએ તાત્કાલિક યુવકને સારવાર અર્થે ખસેડ્યો હતો. જ્યાં તેનું મોત થયું હતું.

પેટ્રોલ છાંટીને લાઈટરથી આગ ચાંપી

ફતેવાડીમાં સમા સ્કૂલ પાસે આવેલા આફરીન ડુપ્લેક્સમાં રહેતી 28 વર્ષીય યુવતી સરખેજમાં આવેલી હોસ્પિટલમાં નોકરી કરે છે. છેલ્લા છ મહિનાથી તેના જ વિસ્તારમાં રહેતો યુવક કથિત રીતે તેની સતત પજવણી કરી રહ્યો હતો. યુવકે યુવતી જ્યાં નોકરી કરતી હતી તે હોસ્પિટલ પહોંચ્યો હતો. બંને વચ્ચે બોલાચાલી ઉગ્ર બનતા, કામરાને પોતાની સાથે લાવેલી પેટ્રોલની બોટલ કાઢી, પોતાના પર પેટ્રોલ છાંટ્યું અને લાઇટરથી આગ ચાંપી દીધી હતી. જેના કારણે તે ભડભડ સળગી ઉઠ્યો હતો અને નીચે પટકાયો હતો. આ ભયાવહ ઘટનાના આઘાતથી યુવતી બેભાન થઈ ગઈ હતી. તેને પણ હોસ્પિટલમાં દાખલ કરવામાં આવી હતી. તે ભાનમાં આવ્યા બાદ પોલીસ તેનું નિવેદન નોંધશે.

પોલીસે શું કહ્યું

બનાવની જાણ થતાં પોલીસ સ્થળ પર પહોંચી હતી. ઘટના અંગે પોલીસે કહ્યું કે, યુવકનું સારવાર દરમિયાન મોત થયું છે જેથી એડી નોંધવામાં આવી છે. યુવતી હાલ સારવાર હેઠળ છે અને તેનું નિવેદન પણ નોંધવામાં આવશે.