વડોદરાની ચોંકાવનારી ઘટનાઃ માતાએ ઠપકો આપતા 13 વર્ષના વિદ્યાર્થીએ ભર્યું અંતિમ પગલું

અમદાવાદ: વડોદરા જિલ્લાથી એક ચોંકાવનારી ઘટના સામે આવી છે. અહી CBSE ધોરણ 7માં અભ્યાસ કરતાં વિદ્યાર્થીએ ગળે ફાંસો ખાઈને આપઘાત કરી લેતા પંથકમાં ચકચાર મચી ગઈ છે. હાલમાં પરીક્ષા ચાલતી હોય પરિવારનાં સભ્યો દ્વારા વિદ્યાર્થીને ઠપકો આપવામાં આવતા તે બાબતનું ખોટું લાગી આવતા સગીરે આત્મહત્યા કરી લીધી હતી.

આ પણ વાંચો: વડોદરામાં 60 વર્ષના વૃદ્ધે સગીરાને પીંખી નાખી, આ રીતે ભાંડો ફૂટ્યો

વિદ્યાર્થીને માતાએ આપ્યો હતો ઠપકો

પ્રાપ્ત વિગતો અનુસાર આ બનાવ અંગે વડોદરા મંજુસર પોલીસ મથકમાં ફરિયાદ નોંધવામાં આવી છે. તેના મુજબ વેમાલી ખાતે આવેલ શ્રવણ એકન્લેવમાં અરુણભાઈ વસંતરાવ ગુંડેકરનો 13 વર્ષીય મોટો પુત્ર સાતમા ધોરણમાં અભ્યાસ કરે છે. હાલ તેની પરીક્ષાઓ ચાલી રહી હોય અંગ્રેજી વિષયનાં પેપર અંગે બાળકની માતાએ ઠપકો આપ્યો હતો. જેના કારણે વિદ્યાર્થીએ તેના બેડરૂમમાં જઈને બેલ્ટથી ફાંસો ખાઈ જીવન ટૂંકાવી લીધું હતું.

આ પણ વાંચો: વડોદરામાં ડોક્ટરને ચોરીની લાગી આદત, ગેંગ બનાવીને 140 કારની કરી ચોરી

મંજૂસર પોલીસે ગુનો નોંધ્યો

ઉલ્લેખનીય છે કે મૃતક વિદ્યાર્થી CBSCમાં ધોરણ 7માં અભ્યાસ કરતો હતો. મૃતકનાં પિતા અરુણભાઈ મંજુસર GIDCની એક કંપનીમાં નોકરી કરે છે. વિદ્યાર્થીની આપઘાતની ઘટનાની જાણ થતાની સાથે પોલીસનો કાફલો ઘટનાસ્થળે દોડી આવ્યો હતો અને વિદ્યાર્થીનાં મૃતદેહનાં પોસ્ટમોર્ટમની ધોરણસરની કામગીરી હાથ ધરી હતી. તે ઉપરાંત મંજૂસર પોલીસ સ્ટેશને આ અંગે આત્મહત્યાનો ગુનો દાખલ કરીને વધુ કાર્યવાહી હાથ ધરી હતી