Gujarat માં ભારે વરસાદ યથાવત, જુનાગઢમાં ત્રણ હાઇવે બંધ, વંથલીમાં 14 ઈંચથી વધુ વરસાદ

અમદાવાદ : ગુજરાતમાં(Gujarat)વરસાદી(Rain)માહોલ યથાવત રહ્યો છે. જેમાં મંગળવારે ગુજરાતના કેટલાક ભાગોમાં ભારે વરસાદ બાદ જૂનાગઢના 3 રાષ્ટ્રીય ધોરીમાર્ગો બંધ કરી દેવામાં આવ્યા છે. જુનાગઢ જિલ્લાના વંથલીમાં સોમવાર સવારના છ વાગ્યાથી મંગળવાર સવારના છ વાગ્યા સુધીમાં 24 કલાકમાં 14 ઈંચથી વધુ વરસાદ નોંધાયો છે. ગુજરાતના 208 તાલુકામાં આખી રાત વરસાદ પડયો છે. જેમાં વિસાવદરમાં છેલ્લા 22 કલાકમાં 13 ઇંચ વરસાદ, જૂનાગઢમાં 11.5 ઇંચ, કેશોદમાં 10 ઇંચ, ખંભાળિયામાં 9 માણાવદરમાં 8 ઇંચ, કલ્યાણપુરમાં પણ 8 ઇંચ,મેંદરડામાં 7.5 ઇંચ અને ધોરાજીમાં 6.5 ઇંચ વરસાદ નોંધાયો છે.

ભારે વરસાદની શક્યતા માટે ‘રેડ એલર્ટ

ભારતીય હવામાન વિભાગ (IMD) એ મંગળવાર સવાર સુધીમાં દક્ષિણ ગુજરાતના સુરત, નવસારી, વલસાડ તેમજ સૌરાષ્ટ્ર-કચ્છના જામનગર, પોરબંદર, જૂનાગઢ, દ્વારકા અને કચ્છ જિલ્લાઓ ભારે વરસાદની શક્યતા માટે ‘રેડ એલર્ટ’ જાહેર કર્યું હતું .

બે દિવસ સુધી ભારેથી અતિ ભારે થવાની સંભાવના છે

IMD એ જણાવ્યું છે કે આગામી બે દિવસ દરમિયાન ગુજરાતના ઘણા વિસ્તારોમાં ભારેથી અતિભારે વરસાદ પડવાની સંભાવના છે અને આ જિલ્લાઓમાં ‘ઓરેન્જ એલર્ટ’ જાહેર કરવામાં આવ્યું છે. IMDએ જણાવ્યું હતું કે, “2 જુલાઈએ દક્ષિણ ગુજરાત અને સૌરાષ્ટ્રના ભાગોમાં ભારે વરસાદ પડી શકે છે, જ્યારે ઉત્તર ગુજરાત, મધ્ય ગુજરાત અને સૌરાષ્ટ્રના ઘણા ભાગોમાં ભારે વરસાદની સંભાવના છે. ,

રાજ્યના ઉત્તર અને દક્ષિણ ભાગોમાં બે ચક્રવાતી પરિભ્રમણને કારણે ગુજરાતમાં વરસાદ પડી રહ્યો છે. સ્ટેટ ઇમરજન્સી ઓપરેશન સેન્ટર એ જણાવ્યું હતું કે સોમવારે સાંજે 6 વાગ્યા સુધીના 12 કલાકના સમયગાળામાં ગુજરાતના 46 તાલુકાઓમાં 40 મીમીથી વધુ વરસાદ નોંધાયો હતો. દેવભૂમિ દ્વારકા જિલ્લાના કલ્યાણપુર તાલુકામાં આ સમયગાળા દરમિયાન 174 મીમી વરસાદ નોંધાયો છે, જે દિવસ દરમિયાનનો સૌથી વધુ વરસાદ છે.

આટલો બધો વરસાદ ક્યાં પડ્યો?

જ્યારે જૂનાગઢના માણાવદરમાં 164 મીમી, દેવભૂમિ દ્વારકાના ખંભાળિયામાં 156 મીમી, કેશોદમાં 155 મીમી, વંથલીમાં 154 મીમી, મેંદરડામાં 135 મીમી, જૂનાગઢ શહેરમાં 130 મીમી, જૂનાગઢ શહેરમાં 127 મીમી, ધોરાજીમાં 17 મીમી, ધોરાજીમાં 17 મીમી વરસાદ નોંધાયો હતો. ગીર સોમનાથના કોડીનારમાં 109 મીમી અને સુરત જીલ્લાના બારડોલીમાં 105 મીમી વરસાદ નોંધાયો છે.