અમદાવાદઃ સામાન્ય રીતે શિયાળાની શરૂઆત થાય એટલે બજારમાં તમામ શાકભાજીની મોટા પાયે આવક થતાં ભાવ ઘટી જાય છે. શિયાળામાં શાકભાજી સસ્તા ભાવે મળતા હોય છે પરંતુ આ વખતે તેમ થયું નથી. હાલ શાકભાજીના ભાવ આસમાને હોવાથી ગૃહિણીઓના બજેટ ખોરવાઈ ગયા છે.
શાકભાજીના ભાવ ન ઘટવાનું શું છે કારણ
સામાન્ય રીતે નવેમ્બર-ડિસેમ્બરમાં શાકભાજીની આવક વધે છે. જેના કારણે તમામ શાકભાજીના ભાવ ઘટે છે પરંતુ આ વર્ષે ચોમાસા દરમિયાન પડેલા કમોસમી વરસાદથી ઉત્પાદનમાં મોડું થયું હતું. તેમજ હાલ લગ્ન સીઝન ચાલી રહી છે. તેથી શાકભાજીની માંગમાં વધારો થયો છે. હાલ બજારમાં તમામ મળતાં તમામ શાકભાજીના પ્રતિ કિલોનો ભાવ 50 લઈ 150 રૂપિયા પ્રતિ કિલો છે. જેના કારણે મધ્યમવર્ગનું બજેટ ખોરવાઈ ગયું છે. 14 ડિસેમ્બરે કમૂરતા બેસી ગયા બાદ શાકભાજીના ભાવમાં ઘટાડો થઈ શકે છે.
આ પણ વાંચો…ગુજરાત ભાજપમાં શોકનો માહોલ, એક જ દિવસમાં બે નેતાના મૃત્યુ
આ વર્ષે છેક નવેમ્બર સુધી વિવિધ રાજ્યોમાં વરસાદ શરૂ રહ્યો હતો. જેના કારણે ત્યાંથી આવતાં ડુંગળી, બટાટા સહિત અન્ય શાકભાજીનો પાક પૂરેપૂરો તૈયાર નથી થયો. 15 દિવસ બાદ આ રાજ્યોમાંથી શાકભાજીની નવી આવક શરૂ થશે ત્યાર બાદ ભાવ ઘટવાની શક્યતા છે.
બજારમાં શાકભાજીના ભાવ
બટાટા – રૂ. 50 થી રૂ.60 પ્રતિ કિલો
ડુંગળી – રૂ. 60 થી રૂ. 70 પ્રતિ કિલો
ટામેટાં – રૂ. 60 થી રૂ. 70 પ્રતિ કિલો
કોબી – રૂ. 110 થી રૂ. 120 પ્રતિ કિલો
ફ્લાવર – રૂ. 70 થી રૂ.80 પ્રતિ કિલો
તુવેર- રૂ. 110 થી રૂ. 120 પ્રતિ કિલો
રિંગણ – રૂ. 120 થી રૂ. 130 પ્રતિ કિલો
લીલી ડુંગળી – રૂ. 70 થી રૂ. 80 પ્રતિ કિલો
ચોળી – રૂ. 160 થી રૂ. 170 પ્રતિ કિલો
કોબી- રૂ. 40 થી રૂ. 50 પ્રતિ કિલો
કારેલા- રૂ. 70 થી રૂ. 80 પ્રતિ કિલો
લસણ – રૂ.. 500 થી રૂ. 550 પ્રતિ કિલો
આદું – રૂ. 60 થી રૂ. 70 પ્રતિ કિલો
(નોંધઃ શહેર પ્રમાણે ભાવમાં વધ-ઘટ હોઈ શકે છે)
