ગુજરાતમાં છેલ્લા 24 કલાકમાં સૌરાષ્ટ્રના કેટલાક વિસ્તારોમાં ભારે વરસાદ, આગામી દિવસોમાં કેવું રહેશે હવામાન?
અમદાવાદ: છેલ્લા કેટલાક દિવસોથી ગુજરાતનાં વાતાવરણમાં પલટો આવ્યો છે અને રાજ્યનાં અનેક વિસ્તારોમાં કમોસમી વરસાદ પડી રહ્યો છે. રાજ્યમાં છેલ્લા 24 કલાકમાં સૌરાષ્ટ્રના પોરબંદર અને રાજકોટ જિલ્લામાં છૂટાછવાયા સ્થળોએ ભારે વરસાદ પડ્યો હતો. તે ઉપરાંત, સૌરાષ્ટ્રના કેટલાક સ્થળો તેમજ ઉત્તર ગુજરાત અને કચ્છના એકાદ બે સ્થળોએ પણ હળવો વરસાદ નોંધાયો છે. જો કે, દક્ષિણ ગુજરાતના વિસ્તારોમાં હવામાન સૂકું રહ્યું હતું. હવામાન વિભાગે આગામી ત્રણ દિવસ સુધી વરસાદ પડવાની આગાહી કરવામાં આવી છે.
આગામી ત્રણ દિવસ રાજ્યમાં નોંધાશે વરસાદ
હવામાન વિભાગની આગાહી અનુસાર આવતીકાલે ઉત્તર ગુજરાતના પાટણ, મહેસાણા, સાબરકાંઠા, ગાંધીનગર, અમદાવાદ, આણંદ, ખેડા અને અરવલ્લી, પંચમહાલ, દાહોદ અને મહીસાગર તેમજ દક્ષિણ ગુજરાતના વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલી તેમજ સૌરાષ્ટ્રનાં સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ અને દીવમાં હળવાથી મધ્યમ વરસાદ અથવા ગાજવીજ સાથે વરસાદ થવાની સંભાવના છે.
જો કે ત્યારબાદ ધીમે ધીમે રાજ્યમાં વરસાદનું જોર ક્રમશ: ઘટશે. ત્યારબાદ ઉત્તર ગુજરાતના બનાસકાંઠા, પંચમહાલ, દાહોદ અને મહીસાગર અને દક્ષિણ ગુજરાતના વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલી તેમજ સૌરાષ્ટ્રના સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ અને દીવમાં હળવાથી મધ્યમ વરસાદ અથવા ગાજવીજ સાથે વરસાદ થવાની સંભાવના છે.
ત્રણ દિવસ બાદ ઘટશે વરસાદ
આગામી 13મીનાં છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલી, અમરેલી, ભાવનગર, ગીર સોમનાથ અને દીવમાં છૂટાછવાયા હળવાથી મધ્યમ વરસાદ અથવા ગાજવીજ સાથે વરસાદ થવાની સંભાવના છે. જો કે ત્યારબાદ સમગ્ર રાજ્યમાં હવામાન સૂકું રહેવાની સંભાવના છે.
આપણ વાંચો : ડાંગમાં વાદળ ફાટતાં પૂર્ણા નદીમાં ભરઉનાળે પૂર; જુઓ VIDEO