Gujarat માં હળવદ નજીક ખાનગી બસ પલટી, 9 લોકો ઇજાગ્રસ્ત

અમદાવાદ: ગુજરાત(Gujarat)માં મોરબી પાસે હળવદ નજીક બુધવારે મધરાતે મુસાફરો ફરેલી બસના ડ્રાઇવેર સ્ટિયરિંગ પરથી કાબૂ ગુમાવતાં બસ પલટી મારી ગઇ હતી. આ ઘટનામાં 9 મુસાફરોને ઇજા પહોંચી છે. જેમાંથી એક વ્યક્તિની હાલત ગંભીર હોવાનું જાણવા મળ્યું છે. આ બસમાં કુલ 56 મુસાફરો સવાર હતા. આ દુર્ઘટના રાત્રે 1. 30 વાગેની આસપાસ ઘટી હતી.

આ બસ ગાંધીનગરથી ભુજ જઇ રહી હતી

આ અંગે મળતી માહિતી મુજબ ખાનગી બસના બસના ડ્રાઇવરે અચાનક સ્ટિયરિંગ પરથી કાબુ ગુમાવતા બસ રોડ સાઇડમાં ઉતરી જઇને પલટી મારી હતી. આ બસ ગાંધીનગરથી ભુજ જઇ રહી હતી .આ અકસ્માત બાદ આસપાસના લોકો મદદ માટે આવ્યા હતા. તેમજ તમામ મુસાફરોને બહાર કાઢવામાં આવ્યા હતા. જ્યારે પોલીસને જાણ કરાતા 108 એમ્બ્યુલન્સો પણ આવી પહોંચી હતી. તેમજ અકસ્માતમાં પગલે મોરબી હોસ્પિટલનાં ડોક્ટર્સને સ્ટેન્ડ બાય પર રાખવામાં આવ્યા હતા. આ મામલે પોલીસે ગુનો દાખલ કરીને આગળની તપાસ હાથ ધરી છે.

Aslo read: Gujarat માટે મંગળવાર ‘અમંગળ’ સાબિત થયો, અકસ્માતની વિવિધ ઘટનામાં 11 લોકોનાં મૃત્યુ

ગુજરાત માટે મંગળવારનો દિવસ અમંગળ રહ્યો

ઉલ્લેખનીય છે કે, ગુજરાત માટે મંગળવારનો દિવસ અમંગળ રહ્યો હતો. અકસ્માતની વિવિધ ઘટનામાં 10 લોકોનાં મૃત્યુ થયા હતા. ભાવનગર નજીક ત્રાપજ પાસે હાઈવે પર રોડની સાઇડમાં ઊભેલા ડમ્પર ટ્રકની પાછળ ખાનગી બસ અથડાતા ગોઝારો અકસ્માત સર્જાયો હતો. આ ગમખ્વાર અકસ્માતમાં ભાઇ-બહેન સહિત 6 લોકોના મોત થયા હતા. જ્યારે 10 કરતાં વધુ લોકોને ઈજા પહોંચતા સારવાર માટે હોસ્પિટલ ખસેડવામાં આવ્યા હતા.