Gandhinagar ગિફ્ટ સિટીમાં નબીરા બન્યા બેફામ, રીલ બનાવનારા યુવકોની કરી ધરપકડ…
![In Gandhinagar gift city Nabira became unruly, arrested the youth who made the reel](https://bombaysamachar.com/wp-content/uploads/2024/08/Yogesh-2024-08-21T154124.795.jpg)
ગાંધીનગર: ગુજરાતમાં બેફામ સ્પીડે કાર ચલાવી લોકોના જીવ જોખમમાં મુકવાના અનેક કિસ્સાઓ બન્યા છે. તેવા સમયે ગાંધીનગરની(Gandhinagar)ગિફ્ટ સિટીમાં 9 લોકોએ બેફામ કાર હંકારી લોકોના જીવ જોખમમાં મૂકવાનો પ્રયાસ કરવામાં આવ્યો હતો. જેમાં તેમણે કારની રેસ લગાવીને તેની રીલ પણ બનાવી હતી.આ રીલની તપાસ કરીને પોલીસે 9 લોકોની કાર સાથે ધરપકડ કરી છે. આ તમામ કારમાં બ્લેક ફિલ્મ પણ લગાવેલી હોવાથી તેને દૂર કરીને પોલીસે મોટો દંડ પણ ફટકાર્યો છે.
નવ લોકોની કાર સાથે ધરપકડ કરી
આ સમગ્ર ઘટનાની વિગત મુજબ રીલ બનાવવાના ક્રેઝને લઇને નવ લોકોએ ગિફ્ટ સિટીમાં આઈકોનિક ભાઈજીપુરાથી ગિફટ સિટી સુધીના રોડ પર પૂરપાટ ઝડપે કારની રેસ લગાવી હતી. આ પ્રવુતિ લોકોના જીવને જોખમમાં મુકનારી હતી. જેથી આ રીલના આધારે પોલીસે આ લોકોની તપાસ શરૂ કરી હતી અને નવ લોકોની કાર સાથે ધરપકડ કરી હતી.
ફિલ્મી સ્ટાઈલે રીલ બનાવી હતી
ગાંધીનગરમા લક્ઝુરિયસ કારના કાફલા સાથે એકત્ર થયેલા આ લોકોએ ડ્રોન કેમેરાનો ઉપયોગ કરી ફિલ્મી સ્ટાઈલમા રીલ બનાવી હતી. તેનો વીડિયો સોશિયલ મીડિયા પર વાયરલ થયો હતો. જેના આધારે ઇન્ફોસિટી પોલીસે આ તમામ લોકોની તપાસ શરૂ કરીને ધરપકડ કરી હતી.